ഇടിമിന്നലേറ്റ് യുവാവ് മരിച്ചു.

ഇടിമിന്നലേറ്റ് യുവാവ് മരിച്ചു.

തിരു.: ഇടിമിന്നലേറ്റ് യുവാവ് മരിച്ചു. ആറ്റിങ്ങൽ സ്വദേശി മിഥുൻ ആണ് മരിച്ചത്. നെടുമങ്ങാട് - തിരിച്ചിട്ടപ്പാറ യിൽ വച്ചാണ് ഇടിമിന്നലേറ്റത്. ഉച്ചയ്ക്ക് 12 മണിയോടെയായിരുന്നു സംഭവം. മിഥുനും കൂട്ടുകാരനായ ഷൈനുവും ഒരു പെൺകുട്ടിയുമായി താന്നിമൂട് തിരിച്ചിട്ടപാറയിൽ എത്തിയതാണ്. 12 മണിയോടെ ശക്തമായ മഴയും ഇടിമിന്നലും ഉണ്ടായി. തുടർന്ന് ഈ പെൺകുട്ടിയും മിഥുനും അവിടെയുളള ക്ഷേത്രത്തിന്റെ സമീപത്തെ പാറക്കല്ലിന് അടിയിൽ കയറി നിൽക്കുന്ന സമയത്താണ് ഇരുവർക്കും മിന്നലേറ്റത്. കൂടെയുണ്ടായിരുന്ന ഷൈനു താഴെയെത്തി നാട്ടുകാരെ വിവരം അറിയിച്ചതിനെത്തുടർന്ന് നാട്ടുകാരും പോലീസും ചേർന്ന് പെൺകുട്ടിയെ നെടുമങ്ങാട് ജില്ലാ ആശുപത്രിയിൽ കൊണ്ടുപോയി. മിഥുൻ്റെ മൃതദേഹം ജില്ലാ ആശുപത്രി മോർച്ചറിയിലേക്ക് മാറ്റി.