കന്നിഅങ്കത്തില്‍ വയനാട്ടില്‍ മിന്നുംവിജയം നേടിയതിനു പിന്നാലെ നന്ദി പറഞ്ഞ് പ്രിയങ്ക വാദ്ര.
ന്യൂ ഡൽഹി: വയനാട്ടിലെ പ്രിയ സഹോദരീ സഹോദരന്മാർ തന്നിലർപ്പിച്ച വിശ്വാസം വിനയാന്വിതയാക്കുന്നു. മണ്ഡലത്തിലെ ഓരോരുത്തരുടെയും വിജയമാണിത്. വയനാടിന്റെ പ്രതീക്ഷകളും പ്രശ്‌നങ്ങളും ഉള്‍ക്കൊണ്ട്, നിങ്ങളിലൊരാളായി കൂടെയുണ്ടാകും. പാർലമെന്റില്‍ നിങ്ങളുടെ ശബ്‌ദമാകാൻ ഒരുങ്ങിക്കഴിഞ്ഞു. അവസരം നല്‍കിയതിനും സ്നേഹത്തിനും ഒരായിരം നന്ദി-ഔദ്യോഗിക എക്‌സ് അക്കൗണ്ടില്‍ പ്രിയങ്ക കുറിച്ചു.
ഭക്ഷണമോ വിശ്രമമോ ഇല്ലാതെ തനിക്കൊപ്പം നിന്ന യുഡിഎഫിലെ സഹപ്രവർത്തകർക്കും നേതാക്കള്‍ക്കും ഓഫീസ് സുഹൃത്തുക്കള്‍ക്കും നന്ദി പറയുന്നു. ധൈര്യവും പിന്തുണയും നല്‍കിയ അമ്മ സോണിയാ ഗാന്ധി, ഭർത്താവ് റോബർട്ട് വാദ്ര, മക്കളായ റൈഹാൻ, മിരായ എന്നിവരോട് എത്ര നന്ദി പറഞ്ഞാലും മതിയാകില്ല. പ്രിയ സഹോദരൻ രാഹുല്‍, നിങ്ങളാണ് യഥാർത്ഥ ധൈര്യശാലി. എല്ലായ്പ്പോഴും വഴികാട്ടിയും ധൈര്യവും ആയി നിലകൊള്ളുന്നതിന്‌ നന്ദിയെന്നും പ്രിയങ്ക സമൂഹമാധ്യമത്തില്‍ കുറിച്ചു.
0 Comments