ബൈക്കപകടത്തില്‍ യുവതിയും യുവാവും മരിച്ചു.
കൊച്ചി: തൃപ്പൂണിത്തുറയിൽ ഇന്ന് പുലര്‍ച്ചെയുണ്ടായ ബൈക്കപകടത്തില്‍ യുവതിയും യുവാവും മരിച്ചു. മാത്തൂര്‍ പാലത്തിനു മുകളില്‍ വച്ച്‌ ഇന്ന് പുലര്‍ച്ചെ ഒരു മണിയോടെയാണ് അപകടം ഉണ്ടായത്.
വയനാട് മേപ്പാടി കടൂര്‍ സ്വദേശിനിയായ നിവേദിത (21), കൊല്ലം വെളിച്ചിക്കാല സ്വദേശി സുബിന്‍ (19) എന്നിവരാണ് മരിച്ചത്. ഇവര്‍ സഞ്ചരിച്ച ബൈക്ക് പാലത്തിന്റെ കൈവരിയില്‍ ഇടിച്ചാണ് അപകടം ഉണ്ടായത്. മൃതദേഹങ്ങള്‍ ആശുപത്രിയിലേക്ക് മാറ്റി. നിയമപരമായ നടപടിക്രമങ്ങള്‍ക്ക് ശേഷം ബന്ധുക്കള്‍ക്ക് വിട്ടുകൊടുക്കും.
0 Comments