സിബിഎൽ: പാണ്ടനാട് തിരിച്ചടിച്ച് വീയപുരം.

സിബിഎൽ: പാണ്ടനാട് തിരിച്ചടിച്ച് വീയപുരം.

ചെങ്ങന്നൂർ: ചാമ്പ്യൻസ് ബോട്ട് ലീഗിന്റെ മൂന്നാമത് മത്സരമായ പാണ്ടനാട് ജലോത്സവത്തിൽ കൈനകരി വില്ലേജ് ബോട്ട് ക്ലബ്ബിന്റെ വീയപുരം ചുണ്ടൻ ജേതാവായി. പള്ളാത്തുരുത്തി ബോട്ട് ക്ലബ്ബിന്റെ കാരിച്ചാൽ ചുണ്ടനെ  പരാജയപ്പെടുത്തിയാണ് വീയപുരം ജേതാവായത്. കൈനകരി യുണൈറ്റഡ് ബോട്ട് ക്ലബ്ബിന്റെ തലവടി ചുണ്ടൻ മൂന്നാം സ്ഥാനം നേടി. ലൂസേഴ്സ് ഫൈനലിൽ നിരണം ബോട്ട് ക്ലബിൻ്റെ നിരണം ചുണ്ടൻ ഒന്നാമതെത്തി സിബിഎല്ലിൽ നാലാം സ്ഥാനം കരസ്ഥമാക്കി. കുമരകം ബോട്ട് ക്ലബിൻ്റെ മേൽപ്പാടം, കുമരകം ടൗൺ ബോട്ട് ക്ലബിൻ്റെ നടുഭാഗം, പുന്നമട ബോട്ട് ക്ലബിൻ്റെ ചമ്പക്കുളം, ആലപ്പുഴ ടൗൺ ബോട്ട് ക്ലബിൻ്റെ പായിപ്പാടൻ, ചങ്ങനാശേരി ബോട്ട് ക്ലബിൻ്റെ ആയാപറമ്പ് വലിയ ദിവാൻജി എന്നീ ചുണ്ടനുകൾ യഥാക്രമം തുടർന്നുള്ള സ്ഥാനങ്ങൾ നേടി. കഴിഞ്ഞ ആഴ്ച കൈനകരിയിൽ നടന്ന രണ്ടാം മത്സരത്തിൽ കാരിച്ചാൽ ചുണ്ടനാണ് ഒന്നാം സ്ഥാനം നേടിയത്.