ചോദ്യ​പേപ്പർ തയ്യാറാക്കാൻ പുതിയ സാ​ങ്കേതികവിദ്യ പരിഗണനയിൽ: മന്ത്രി.

ചോദ്യ​പേപ്പർ തയ്യാറാക്കാൻ പുതിയ സാ​ങ്കേതികവിദ്യ പരിഗണനയിൽ: മന്ത്രി.

തിരു.: ടേം പരീക്ഷകൾക്ക് ചോദ്യപേപ്പർ തയ്യാറാക്കുന്നതും മറ്റും ആധുനിക സാങ്കേതികവിദ്യ സാധ്യതകൾ പ്രയോജനപ്പെടുത്തി കൂടുതൽ ചിട്ടപ്പെടുത്തുന്ന കാര്യം പരിഗണനയിലാണെന്ന്​ പൊതുവിദ്യാഭ്യാസ മന്ത്രി വി. ശിവൻകുട്ടി. ഇക്കാര്യങ്ങളുടെ പ്രായോഗികത ഉൾപ്പെടെ പരിശോധിക്കും. ചോദ്യപേപ്പർ ചോർച്ച അ​ന്വേഷിക്കാൻ വിദ്യാഭ്യാസ വകുപ്പ്​ നിയോഗിച്ച ആറംഗ സമിതിയും ഇതിന്​ നിർദ്ദേശങ്ങൾ സമർപ്പിക്കും. എസ്.സി.ഇ.ആർ.ടിയുടെ കൂടി പരിശോധനക്കുശേഷം ആവശ്യമായ മാറ്റങ്ങൾ കൊണ്ടുവരും. ചോദ്യപേപ്പർ ചോർത്തുന്നതും പരസ്യപ്പെടുത്തുന്നതും കുട്ടികളോട് ചെയ്യുന്ന ക്രൂരതയാണ്. ഇത്​ ചെയ്യുന്നവരെ നിയമത്തിനു മുന്നിൽ കൊണ്ടുവരും. അക്കാദമിക ധാർമ്മികത പുലർത്താത്തവരെ സമൂഹം തന്നെ തിരിച്ചറിഞ്ഞ് ജനമധ്യത്തിൽ കൊണ്ടുവരണമെന്നും മന്ത്രി പറഞ്ഞു.