കുളിക്കാനിറങ്ങിയ പ്ലസ് ടു വിദ്യാർത്ഥി മുങ്ങിമരിച്ചു.

കുളിക്കാനിറങ്ങിയ പ്ലസ് ടു വിദ്യാർത്ഥി മുങ്ങിമരിച്ചു.

കോട്ടയം: തലയോലപ്പറമ്പിൽ മൂവാറ്റുപുഴയാറിൻ്റെ വെട്ടിക്കാട്ടുമുക്ക് ഭാഗത്ത് പുഴയിൽ കൂട്ടുകാരുമൊത്ത് കുളിക്കാൻ ഇറങ്ങിയ പ്ലസ് ടു വിദ്യാർത്ഥിയെ മുങ്ങിമരിച്ചു. വെട്ടിക്കാട്ടു മുക്ക് കൊടിയ നേഴത്ത് മുജീവിൻ്റെ മകൻ ആസിഫ് (16) ആണ് മരിച്ചത്. വ്യാഴാഴ്ച ഉച്ചയ്ക്ക് 12.30 ഓടെ വെട്ടിക്കാട്ടുമുക്ക് പാലത്തിന് സമീപമുള്ള വൈപ്പേൽ കടവിലാണ് സംഭവം.

       കുളിക്കാൻ ഇറങ്ങിയ ശേഷം, പുഴയിൽ നീന്തുന്നതിനിടെ മുങ്ങിത്താഴുകയായിരുന്നു. കൂടെയുണ്ടായിരുന്ന കൂട്ടുകാരും മറ്റും ബഹളം വച്ചതിനെ തുടർന്ന് സമീപവാസികളും മറ്റും എത്തി തിരച്ചിൽ നടത്തിയെങ്കിലും കണ്ടെത്താനായില്ല. തുടർന്ന് കടുത്തുരുത്തിയിൽ നിന്നും ഫയർ ഫോഴ്സും തലയോലപ്പറമ്പ് പോലീസും സ്ഥലത്തെത്തി നടത്തിയ തെരച്ചിലിലാണ് മൃതദേഹം കണ്ടെത്തിയത്. മൃതദേഹം ആശുപത്രി മോർച്ചറിയിലേക്ക് മാറ്റി.