പാചകവാതക സിലിണ്ടർ പൊട്ടിത്തെറിയില്‍ രണ്ട് അയ്യപ്പഭക്തർക്ക് ദാരുണാന്ത്യം.
ബംഗളൂരു: പാചകവാതക സിലിണ്ടർ ചോർച്ചയെ തുടർന്ന് ഉണ്ടായ പൊട്ടിത്തെറിയില്‍ രണ്ട് അയ്യപ്പഭക്തർക്ക് ദാരുണാന്ത്യം. കർണാടകയിലെ ഹുബ്ബള്ളിയിലാണ് ഞെട്ടിപ്പിക്കുന്ന സംഭവം നടന്നത്. അപകടത്തില്‍ പരിക്കേറ്റ ഏഴ് അയ്യപ്പഭക്തമാർ ചികിത്സയില്‍ കഴിയുകയാണ്. മൂന്ന് ദിവസം മുമ്പുണ്ടായ അപകടത്തില്‍ ഗുരുതരമായി പരിക്കേറ്റ് കർണാടക ഇൻസ്റ്റിറ്റ്യൂട്ട് ഓഫ് മെഡിക്കല്‍ സയൻസസില്‍ ചികിത്സയിൽ ആയിരുന്നവരാണ് മരിച്ചത്. ഒപ്പമുണ്ടായിരുന്ന ഏഴ് പേരും ഇതേ ആശുപത്രിയില്‍ തന്നെ ചികിത്സയിലാണ്.
അയ്യപ്പഭക്തർ ഉപയോഗിച്ചിരുന്ന പാചകവാതക സിലിണ്ടർ പൊട്ടിത്തെറിച്ചാണ് അപകടം ഉണ്ടായത്. പരിക്കേറ്റവരെ കഴിഞ്ഞ ദിവസം കർണാടക ആഭ്യന്തര മന്ത്രി ജി. പരമേശ്വര ആശുപത്രിയില്‍ സന്ദർശിച്ചിരുന്നു.
കഴിഞ്ഞ ദിവസം രാത്രിയാണ് സംഭവം നടന്നത്. ഹുബ്ബള്ളിയിലെ ഒരു പ്രാദേശിക ക്ഷേത്രത്തിന് സമീപത്തു വെച്ച്‌ ഭക്തരുടെ സംഘത്തിലെ ഒരാള്‍ എല്‍പിജി സ്റ്റൗ അലക്ഷ്യമായി കൈകാര്യം ചെയ്തതാണ് ഗ്യാസ് ചോർച്ചയ്ക്കും പിന്നാലെ പൊട്ടിത്തെറിക്കും കാരണമായതെന്നാണ് വിവരം.
0 Comments