കെഎസ്ആർടിസി സൂപ്പർ ഫാസ്റ്റ് ബസ്സിലേക്ക് കാർ ഇടിച്ചു കയറി അഞ്ചു പേർ മരിച്ചു.
ആലപ്പുഴ: കളർകോട് ചങ്ങനാശ്ശേരി ജംഗ്ഷനിൽ കെഎസ്ആർടിസി സൂപ്പർ ഫാസ്റ്റ് ബസ്സിലേക്ക് കാർ ഇടിച്ചുകയറി ഉണ്ടായ അപകടത്തിൽ അഞ്ചുപേർ മരിച്ചു. വണ്ടാനം മെഡിക്കൽ കോളേജ് ആശുപത്രിയിലെ ഒന്നാംവർഷ എംബിബിഎസ് വിദ്യാർത്ഥികൾ സഞ്ചരിച്ച കാറാണ് അപകടത്തിൽപ്പെട്ടത്. രണ്ടു പേർക്ക് ഗുരുതരമായി പരിക്കേറ്റു. എഴു പേരാണ് കാറിൽ ഉണ്ടായിരുന്നത്. കാർ വെട്ടിപ്പൊളിച്ചാണ് ഇവരെ പുറത്തെടുത്തത്.
അപകടത്തില് കാര് പൂര്ണ്ണമായും തകര്ന്നു. ഒന്നാം വർഷ എംബിബിഎസ് വിദ്യാര്ത്ഥികളാണ് മരിച്ചവർ എല്ലാവരും. കോഴിക്കോട്, കണ്ണൂർ, ചേർത്തല, ലക്ഷദ്വീപ് എന്നിവിടങ്ങളിൽ നിന്നുള്ള വിദ്യാർത്ഥികളാണെന്നാണ് പ്രാഥമിക സൂചന. അപകടത്തില് ബസിൽ ഉണ്ടായിരുന്ന നാല് പേർക്കും പരിക്കേറ്റിട്ടുണ്ട്. ഇവരുടെ പരിക്ക് സാരമുള്ളതല്ലെന്നാണ് വിവരം.
0 Comments