തിരുനക്കര തിരുവുത്സവം: മാർച്ച് 15ന് കൊടിയേറും. 24ന് ആറാട്ട്. 21ന് തിരുനക്കര പകൽപ്പൂരം.

തിരുനക്കര തിരുവുത്സവം: മാർച്ച് 15ന് കൊടിയേറും. 24ന് ആറാട്ട്. 21ന് തിരുനക്കര പകൽപ്പൂരം.

കോട്ടയം: തിരുനക്കര ശ്രീമഹാദേവ ക്ഷേത്രത്തിലെ ഈ വർഷത്തെ തിരുവുത്സവം മാർച്ച് 15ന് കൊടിയേറി 24ന് ആറോട്ടുകൂടി സമാപിക്കും. മാർച്ച് 21ന് തിരുനക്കര പകൽപ്പൂരവും 22ന് വലിയവിളക്കും നടക്കും. 23ന് പള്ളിവേട്ട, 24ന് ആറാട്ട് എന്നിങ്ങനെയാണ് ഉത്സവ വിശേഷങ്ങൾ. എട്ട് ദിവസം ഉത്സവബലി ഉണ്ടാകും.

      അഞ്ചാം ഉത്സവദിവസമായ മാർച്ച് 19 മുതൽ കിഴക്കേ ഗോപുരനടയിൽ വൈകിട്ട് ശ്രീബലി പുറത്തെഴുന്നെള്ളിപ്പ്, വേല, സേവ, മയൂരനൃത്തം തുടങ്ങി വിവിധങ്ങളായ ക്ഷേത്രകലകളും മറ്റ് കലാപരിപാടികളും ഉണ്ടാകും. ഒന്നാം ഉത്സവ ദിവസമായ മാർച്ച് 15ന് വൈകിട്ട് 7 മണിക്ക് തന്ത്രി താഴ‌മൺമഠം കണ്‌ഠരര് മോഹനരരുടെ മുഖ്യകാർമ്മികത്വത്തിൽ കൊടിയേറ്റ് ചടങ്ങ് നടക്കും. ശിവശക്തി കലാമണ്ഡപത്തിൽ വൈകിട്ട് 6.30ന് തിരുനക്കര ശ്രീമഹാദേവ ഭജനസംഘത്തിൻ്റെ ഭജന, 8ന് തിരുവിതാംകൂർ ദേവസ്വം ബോർഡ് പ്രസിഡൻ്റ് അഡ്വ. പി.എസ്. പ്രശാന്തിൻ്റെ അദ്ധ്യക്ഷതയിൽ നടക്കുന്ന സാംസ്‌കാരിക സമ്മേളനം, സഹകരണം, തുറമുഖം, ദേവസ്വം വകുപ്പ് മന്ത്രി വി.എൻ. വാസവൻ ഉദ്ഘാടനം ചെയ്യും. കലാപരിപാടികളുടെ ഉദ്ഘാടനം എംഎൽഎ തിരുവഞ്ചൂർ രാധാകൃഷ്ണ‌നും ഉത്സവത്തോടനുബന്ധിച്ച് പുറത്തിറക്കുന്ന സുവനീറിന്റെ പ്രകാശനം നഗരസഭ വൈസ് ചെയർമാൻ ബി. ഗോപകുമാറും നിർവ്വഹിക്കും. ദേവസ്വം ബോർഡ് മെമ്പർ അഡ്വ. എ. അജികുമാർ മുഖ്യപ്രഭാഷണവും നഗരസഭ ചെയർപേഴ്‌സൺ ബിൻസി സെബാസ്റ്റ്യൻ ഉത്സവസന്ദേശവും നൽകും. 9.30ന് ഗംഗ ശശിധരൻ്റെ വയലിൻ കച്ചേരി നടക്കും. രണ്ടാം ഉത്സവദിവസമായ മാർച്ച് 16ന് ഉച്ചയ്ക്ക് ശേഷം 3.30ന് കുമാരനല്ലൂർ ദേവീവിലാസം യുപി വിഭാഗം കുട്ടികൾ അവതരിപ്പിക്കുന്ന സംസ്കൃത നാടകം, 4.30ന് ആർ.എസ്. ഗണേഷ് അയ്യരുടെ നാദലയഭക്തി, 5.30ന് ശ്വേത പൈ ആൻ്റ് പാർട്ടിയുടെ നാട്യാർച്ചന, 7ന് ആലപ്പുഴ ബ്ലൂ ഡയമൺസിൻ്റെ ഗാനമേള എന്നിവയും ഉണ്ടാകും.

        മൂന്നാം ഉത്സവദിവസമായ മാർച്ച് 17ന് വൈകുന്നേരം 5ന് കുമാരനല്ലൂർ ആകാശ് കൃഷ്‌ണയുടെ ഫ്യൂഷൻ കച്ചേരി, 6ന് തിരുനക്കര നാരായണീയ സത്സംഗ സമിതിയുടെ നാരായണീയ പാരായണം, 7ന് ആർദ്ര തിരുവാതിര ക്ലബിൻ്റെ തിരുവാതിരകളി, 8ന് ഗോവിനം ബാലഗോകുലത്തിൻ്റെ ഭജന, നൃത്തം, 9ന് വത്സല രാമകൃഷ്‌ണന്റെ സംഗീതസദസ്സ്, 10ന് കോട്ടയ്ക്കൽ പി.എസ്.വി നാട്യസംഘത്തിൻ്റെ കഥകളി എന്നിവയും നടക്കും. നളചരിതം മൂന്നാം ദിവസം (കാർക്കോടകൻ മുതൽ), ബാലിവിജയം എന്നിവയാണ് കഥകൾ.

          നാലാം ഉത്സവ ദിവസമായ മാർച്ച് 18ന് വൈകുന്നേരം 5ന് തിരുനക്കര എൻഎസ്എസ് സമാജത്തിന്റെ നാമസങ്കീർത്തനം, 5.30ന് ശ്രീശങ്കര തിരുവാതിര സംഘത്തിൻ്റെ തിരുവാതിരകളി, 7ന് സ്റ്റാർ സിംഗർ ഫെയിം ശ്രീരാഗ് ഭരതൻ, നന്ദ ജെ. ദേവൻ എന്നിവർ നയിക്കുന്ന പാലാ സൂപ്പർ ബീറ്റ്സിൻ്റെ ഗാനമേള എന്നിവയും അരങ്ങിലെത്തും.

      അഞ്ചാം ഉത്സവദിവസമായ മാർച്ച് 19ന് വൈകുന്നേരം 5ന് എലൂർ ബിജുവിൻ്റെ സോപാനസംഗീതം, 6ന് കാഴ്ച്‌ച ശ്രീബലി, 8.30ന് ചിന്മയ വിദ്യാലയ വിദ്യാർത്ഥികളുടെ ഡാൻസ്, 9ന് തിരുവനന്തപുരം സൗമ്യ സുകുമാരൻ്റെ മോഹിനിയാട്ടം, 10ന് കഥകളി - കഥകൾ കല്യാണസൗഗന്ധികം, ദക്ഷയാഗം.

          ആറാം ഉത്സവദിവസമായ മാർച്ച് 20ന് വൈകുന്നേരം 5ന് പയ്യന്നൂർ തീർത്ഥ ഇ. പൊതുവാളിൻ്റെ ഡാൻസ്. 6ന് കാഴ്ചശ്രീബലി, ആറന്മുള ജി. ശ്രീകുമാർ, കോട്ടയം അഖിൽ ആൻ്റ് പാർട്ടിയുടെ നാദസ്വരം, 8.30ന് ബുധനൂർ ഭദ്ര ശർമ്മയുടെ ഭരതനാട്യം, 9.15ന് സിനിമ-സീരിയൽ താരം അഞ്ജ‌ലി ഹരി പങ്കെടുക്കുന്ന രാജേഷ് പാമ്പാടി ആൻ്റ് പാർട്ടിയുടെ ആനന്ദനടനം ഡാൻസ്.

        ഏഴാം ഉത്സവ ദിവസമായ മാർച്ച് 21ന് തിരുനക്കര പൂരം. രാവിലെ 9ന് ചെറുപൂരങ്ങൾക്ക് വരവേൽപ്പ്, ഉച്ചയ്ക്ക് 2.30ന് കാരാപ്പുഴ സിവിഎൻ കളരിയുടെ കളരിപ്പയറ്റ്, വൈകുന്നേരം 4ന് തിരുനക്കര പൂരാരംഭം. തന്ത്രി കണ്‌ഠരര് മോഹനരര് ഭദ്രദീപം തെളിയിക്കും. പത്മശ്രീ പെരുവനം കുട്ടൻമാരാരുടെ നേതൃത്വത്തിൽ നൂറിൽപ്പരം കലാകാരന്മാർ പങ്കെടുക്കുന്ന സ്പെഷ്യൽ പഞ്ചാരിമേളം, 8.30ന് സിനിമ, സീരിയൽ നടി ശാലു മേനോൻ നയിക്കുന്ന ചങ്ങനാശ്ശേരി ജയകേരള നൃത്തകലാലയത്തിന്റെ "നാഗവല്ലി മനോഹരി" നൃത്തനാടകം. 9.30ന് കൊടിക്കീഴിൽ വിളക്ക്, പാറപ്പാടം സജീഷിൻ്റെ നാദസ്വരം. കുമാരനല്ലൂർ സജേഷ് മാരാരുടെ സ്പെഷ്യൽ പഞ്ചാരിമേളം.

        എട്ടാം ഉത്സവദിവസമായ മാർച്ച് 22-ന് വൈകുന്നേരം 5ന് നട്ടാശ്ശേരി അരുന്ധതി ദേവിയുടെ നൃത്തം. 6.30ന് കിഴക്കേഗോപുരനടയിൽ ദേശവിളക്കിന് ശബരിമല തന്ത്രി താഴ‌മൺമറം മഹേഷ് മോഹനരര് ഭദ്രദീപം തെളിയിക്കും. 7ന് കാഴ്‌ചശ്രീബലി, ഹരിപ്പാട് മുരുകദാസ് ആൻ്റ് പാർട്ടിയുടെ നദസ്വരം, 8.30ന് സിനിമാതാരം മിയയും സംഘവും പങ്കെടുന്ന നാട്ടുവാങ്കം ആർഎൽവി പ്രദീപ്‌കുമാർ, കലാക്ഷേത്ര ചിത്ര എന്നിവരുടെ ശ്രീമൂകാംബിക നൃത്തകലാ ക്ഷേത്രത്തിൻ്റെ നാട്യലീലാതരംഗിണി. 9.30ന് കൊടിക്കീഴിൽ വലിയവിളക്ക്. ആനിക്കാട് കൃഷ്‌ണകുമാറിൻ്റെ സ്പെഷ്യൽ പഞ്ചാരിമേളം.

      പള്ളിവേട്ട ദിവസമായ മാർച്ച് 23ന് രാവിലെ 7.30ന് ശ്രീബലി എഴുന്നെള്ളിപ്പ്. തുറവൂർ നാരായണ പണിക്കർ, തിരുവൻമണ്ടൂർ അഭിജിത്ത് വാര്യർ എന്നിവരുടെ നാദസ്വരം. കിഴക്കൂട്ട് അനിയൻ മാരാരുടെ സ്പെഷ്യൽ പഞ്ചാരി മേളം. വൈകുന്നേരം 5.30ന് തിരുനക്കര എൻഎസ്എസ് കരയോഗത്തിൻ്റെ തിരുവാതിരകളി, 6ന് കാഴ്‌ചശ്രീബലി, 8.30ന് തൃശൂർ കലാസദൻ്റെ ഗാനമേള 12ന് പള്ളിവേട്ട എഴുന്നെള്ളിപ്പ്.

    ആറാട്ട് ദിവസമായ മാർച്ച് 24ന് രാവിലെ 8ന് അമ്പലക്കടവ് ആറാട്ടുകടവിലേക്ക് എഴുന്നെള്ളിപ്പ് 11ന് തിരുനക്കര ക്ഷേത്രത്തിൽ ആറാട്ടുസദ്യ. വൈകിട്ട് 6.30ന് ആറാട്ട് തിരിച്ചെഴുന്നെള്ളിപ്പ്, വൈകുന്നേരം 5.30ന് കെ.എ. വേൽമുരുകൻ, ആമ്പൂർ എം.എം. നാരായണൻ എന്നിവരുടെ നാദസ്വര കച്ചേരി. 8.30ന് സമാപന സമ്മേളനം. മിസ്സോറാം മുൻഗവർണ്ണർ കുമ്മനം രാജശേഖരൻ ഉദ്ഘാടനം ചെയ്യും. ക്ഷേത്രോപദേശക സമിതി പ്രസിഡൻ്റ് ടി.സി. ഗണേഷ് അദ്ധ്യക്ഷത വഹിക്കും. 10ന് ചെന്നൈ ഡോ. രാമപ്രസാദിൻ്റെ സംഗീതസദസ്സ്. 1ന് കവിയൂർ ശിവകുമാർ അമൃതകലയും സംഘവും അവതരിപ്പിക്കുന്ന സോപാന അഷ്ടപദിലയം 2ന് ആറാട്ട് എതിരേൽപ്പ് നാദസ്വരം, പഞ്ചവാദ്യം 5ന് കൊടിയിറക്ക് എന്നിവയാണ് ഈ വർഷത്തെ പ്രധാന പരിപാടികൾ.