മണിമലയാറ്റിൽ ഹോട്ടല്‍ തൊഴിലാളിയുടെ മൃതദേഹം കണ്ടെത്തി.
തിരുവല്ല: കുറ്റൂരില്‍ തൊണ്ടറ പാലത്തിന് സമീപം മണിമലയാറ്റില്‍ ഹോട്ടല്‍ തൊഴിലാളിയുടെ മൃതദേഹം കണ്ടെത്തി. ഇന്ന് രാവിലെ എട്ടുമണിയോടെ പരിസരവാസികളാണ് നദിയിലെ വെള്ളത്തില്‍ പൊങ്ങിക്കിടക്കുന്ന നിലയില്‍ മൃതദേഹം കണ്ടെത്തിയത്. കുറ്റൂർ ജംഗ്ഷന് സമീപം പ്രവർത്തിക്കുന്ന ഹോട്ടലിലെ ജീവനക്കാരനായ കൊട്ടാരക്കര സ്വദേശി പ്രദീപ് (52) ആണ് മരിച്ചതെന്ന് പോലീസ് സ്ഥിരീകരിച്ചിട്ടുണ്ട്.
ഇന്നലെ വൈകിട്ട് ആറരയോടെ ഹോട്ടലില്‍ നിന്നും പോയ പ്രദീപിനെ പിന്നീട് കാണാതാവുകയായിരുന്നു. തിരുവല്ല പോലീസ് സ്ഥലത്തെത്തി മേല്‍നടപടികള്‍ ആരംഭിച്ചിട്ടുണ്ട്.
0 Comments