നാല് വയസുകാരിയെ അച്ഛൻ തട്ടിക്കൊണ്ടു പോയതായി പരാതി.

നാല് വയസുകാരിയെ അച്ഛൻ  തട്ടിക്കൊണ്ടു പോയതായി പരാതി.

എറണാകുളം: നോര്‍ത്ത് പറവൂർ പെരുവായ്ക്ക് നാല് വയസുകാരിയെ അച്ഛൻ  തട്ടിക്കൊണ്ടുപോയതായി പരാതി. ഇന്ന് രാവിലെയാണ് സംഭവം. കുട്ടിയുടെ അച്ഛനെതിരെ അമ്മയാണ് പരാതി നല്‍കിയത്.

      രാവിലെ ഒരു സംഘമാളുകള്‍ വീട്ടിലെത്തി കുട്ടിയുടെ മുത്തശ്ശിയെ മര്‍ദ്ദിച്ച ശേഷം പെണ്‍കുട്ടിയെ തട്ടിക്കൊണ്ടു പോയെന്നാണ് പരാതി. പരിക്കേറ്റ മുത്തശ്ശി പറവൂര്‍ താലൂക്ക് ആശുപത്രിയില്‍ ചികിത്സയിലാണ്.

       കുടുംബപ്രശ്‌നമാണ് തട്ടിക്കൊണ്ടു പോകലിന് പിന്നിലെന്നാണ് പോലീസിന്റെ പ്രാഥമിക നിഗമനം. കുട്ടിയുടെ മാതാപിതാക്കൾ വിവാഹമോചിതരാണ്. അമ്മ വിദേശത്തുമാണ്. പിതാവിൻ്റെ ബന്ധുക്കളാണ് തട്ടിക്കൊണ്ടുപോയ സംഘത്തിൽ ഉണ്ടായിരുന്നതായി സംശയിക്കുന്നുണ്ട്. പിതാവിൻ്റെ ഫോൺ സ്വിച്ച് ഓഫാണ്. കുട്ടിയെ കണ്ടെത്താനായി പോലീസ് അന്വേഷണം ഊര്‍ജ്ജിതമാക്കിയിട്ടുണ്ട്.