കെഎസ്ആർടിസി പാക്കേജില്‍ ഗവിക്ക് യാത്ര പോയ 38 അംഗ സംഘം ബസ് കേടായി വനമേഖലയില്‍ കുടുങ്ങി.
എന്നാൽ, പതിനൊന്നര മണിയ്ക്ക് ബസ് കേടായ വിവരം അറിയിച്ചെങ്കിലും മൂന്നര മണിയോടു കൂടി മാത്രമാണ് പകരം ബസ് എത്തി ചേർന്നത്. എന്നാൽ, ഈ ബസും ക്ലച്ച് തകരാറിലായതിനാൽ, യാത്ര തുടരാനായില്ല. പത്തനംതിട്ട ഡിപ്പോയില്‍ പലതവണ വിളിച്ചിട്ടും നടപടി ഉണ്ടായില്ലെന്ന് യാത്രക്കാര്‍ പറയുന്നു. അതുവഴി വന്ന കെഎസ്ഇബി ജീവനക്കാർ മൂഴിയാറോ മറ്റോ പോയി കുറച്ച് വെള്ളവും ബിസ്ക്കറ്റും കൊണ്ടുവന്നു നൽകുകയായിരുന്നു. യാത്രാ സംഘത്തിന് ഗവിയിലായിരുന്നു ഉച്ചഭക്ഷണം തയ്യാറാക്കിയിരുന്നത്.
മാധ്യമ വാര്‍ത്തകള്‍ക്ക് പിന്നാലെയാണ് കുമളിയില്‍ നിന്ന് വന്ന ട്രിപ്പ് ബസ്സില്‍ യാത്രക്കാരെ മൂഴിയാറില്‍ എത്തിച്ചത്. തുടർന്ന് യാത്രക്കാര്‍ക്ക് ഭക്ഷണവും വെള്ളവും ലഭ്യമാക്കി. ഇവരെ തിരികെ ചടയമംഗലത്ത് എത്തിക്കാനാണ് ആലോചന. യാത്ര പകുതി വഴിയില്‍ ഉപേക്ഷിച്ചതിനാല്‍ ടിക്കറ്റിന്റെ പണം തിരികെ നല്‍കും. സിഎംഡിയുടെ അനുമതി ലഭിച്ച ശേഷമായിരിക്കും ഇക്കാര്യത്തില്‍ അന്തിമ തീരുമാനം ഉണ്ടാക്കുക.
0 Comments