ലോറി ബൈക്കില്‍ ഇടിച്ചു കയറി യുവതി മരിച്ചു.
കൊച്ചി: ലോറി ബൈക്കില്‍ ഇടിച്ചു കയറി യുവതി മരിച്ചു. മലപ്പുറം വാഴയൂർ സ്വദേശി ഹാദി സിനാൻ (22) ആണ് അപകടത്തില്‍ മരിച്ചത്.
കച്ചേരിപ്പടിയില്‍ നിന്ന് ഹൈക്കോടതി ഭാഗത്തേയ്ക്ക് പോവുകയായിരുന്ന നാഷണല്‍ പെർമിറ്റ് ലോറി, അമിത വേഗത്തില്‍ ബൈക്കിന്റെ പിന്നില്‍ ഇടിക്കുകയായിരുന്നു. ഇടിയുടെ ആഘാതത്തില്‍ ലോറിക്കടിയില്‍പ്പെട്ട സിനാൻ സംഭവ സ്ഥലത്തു വച്ചുതന്നെ മരിച്ചു. മലപ്പുറത്തു നിന്നും എറണാകുളത്ത് എത്തിയ സുഹൃത്തിനെ റെയില്‍വേ സ്റ്റേഷനില്‍ നിന്നും കൂട്ടിയ ശേഷം താമസസ്ഥലത്തേക്ക് വരുമ്പോഴാണ് അപകടം സംഭവിച്ചത്. വേങ്ങര സ്വദേശിയായ സുഹൃത്ത് ഗുരുതര പരിക്കുകളോടെ ആശുപത്രിയില്‍ ചികിത്സയിലാണ്. ലോറി ഡ്രൈവർ മഹാരാഷ്ട്ര സ്വദേശി നിഷാകാന്തിനെ എറണാകുളം പൊലീസ് അറസ്റ്റ് ചെയ്തു. മന:പൂർവമല്ലാത്ത നരഹത്യയ്ക്ക് കേസെടുത്തു.
0 Comments