മുനമ്പം വിഷയം രാഷ്ട്രീയ പ്രശ്നമല്ല, മുനമ്പം നിവാസികൾക്ക് എല്ലാ റവന്യൂ അവകാശങ്ങളും അനുവദിക്കും: മന്ത്രി കെ. രാജൻ.

മുനമ്പം വിഷയം രാഷ്ട്രീയ പ്രശ്നം അല്ല, മുനമ്പം നിവാസികൾക്ക് എല്ലാ റവന്യൂ അവകാശങ്ങളും അനുവദിക്കും: മന്ത്രി കെ. രാജൻ.

കൊച്ചി: മുനമ്പം വിഷയം രാഷ്ട്രീയ പ്രശ്നം അല്ലെന്നും മുനമ്പം നിവാസികൾക്ക് എല്ലാ റവന്യൂ അവകാശങ്ങളും അനുവദിക്കുമെന്നും മന്ത്രി കെ. രാജൻ. കമ്മീഷൻ റിപ്പോർട്ട് വരുന്നതോടു കൂടി പ്രശ്നങ്ങൾക്ക് പൂർണ്ണമായ പരിഹാരം ഉണ്ടാകും. മുനമ്പം നിവാസികൾക്കൊപ്പം നിന്നത് ആരാണെന്ന് ജനങ്ങൾ തിരിച്ചറിയും. മുനമ്പം പ്രശ്നം പരിഹരിക്കാൻ കൃത്യമായ ഇടപെടൽ സർക്കാർ നടത്തിയിരുന്നുവെന്നും മന്ത്രി പറഞ്ഞു.

       സിപിഐ സമ്മേളനങ്ങളിൽ ഔദ്യോഗിക പാനലുകളിൽ മത്സരം പാടില്ലെന്ന സർക്കുലറിൽ മന്ത്രി നിലപാട് വ്യക്തമാക്കി. ഭരണഘടന ഉറപ്പു നൽകുന്ന എല്ലാ അവകാശങ്ങളും പാർട്ടി അംഗങ്ങൾക്ക് ഉണ്ടാകും. എന്തൊക്കെ ഗൈഡ് ലൈൻ വേണം എന്നാണ് പാർട്ടി പറയുക. അല്ലാതെ ജനാധിപത്യ അവകാശങ്ങളെ ചോദ്യം ചെയ്യാൻ പാർട്ടിയുടെ ഒരു ഘടകത്തിനും ആകില്ലെന്നും അദ്ദേഹം കൂട്ടിച്ചേർത്തു.