മെഡിക്കൽ കോളേജ് വിദ്യാർത്ഥികൾക്ക് ഭക്ഷ്യവിഷബാധ.

മെഡിക്കൽ കോളേജ് വിദ്യാർത്ഥികൾക്ക് ഭക്ഷ്യവിഷബാധ.

തിരു.: തിരുവനന്തപുരം മെഡിക്കൽ കോളേജ് വിദ്യാർത്ഥികൾക്ക് ഭക്ഷ്യവിഷബാധ. മെഡിക്കൽ കോളേജിലെ പെൺകുട്ടികളുടെ ഹോസ്റ്റലിലെ 83 വിദ്യാർത്ഥികൾക്കാണ് ഭക്ഷ്യവിഷബാധയേറ്റത്. ആരുടെയും നില ഗുരുതരമല്ലെന്നാണ് വിവരം. ഇതുവരെ ആരെയും ആശുപത്രിയിൽ അഡ്മിറ്റ് ചെയ്തിട്ടില്ല. ചില കുട്ടികൾ അവധി എടുത്തെങ്കിലും പരീക്ഷയുള്ള കുട്ടികൾ ബുദ്ധിമുട്ടി.

      ഹോസ്റ്റൽ മെസ്സിൽ ഭക്ഷ്യവകുപ്പ് പരിശോധന നടത്തി. രണ്ടു ദിവസം മുമ്പ് ഹോസ്റ്റൽ മെസ്സിൽ നൽകിയ ബട്ടർ ചിക്കനും ഫ്രൈഡ് റൈസും ലൈം ജ്യൂസും കഴിച്ച ശേഷമാണ് കൂടുതൽ കുട്ടികൾക്ക് പ്രശ്നം തുടങ്ങിയത്. രണ്ടു വർഷമായി ഒരേ കരാറുകാർക്കു തന്നെയാണ് മെസ്സ് നടത്തിപ്പിന്‍റെ ചുമതല.