മുല്ലപ്പെരിയാർ ഡാം നാളെ തുറന്നേക്കും. ആളുകളെ മാറ്റി താമസിപ്പിച്ചു തുടങ്ങി.

മുല്ലപ്പെരിയാർ ഡാം നാളെ തുറന്നേക്കും. ആളുകളെ  മാറ്റി താമസിപ്പിച്ചു തുടങ്ങി.

കുമളി: മുല്ലപ്പെരിയാർ ഡാം നാളെ തുറന്നേക്കും. ഇതിനായി 883 കുടുംബങ്ങളെ ഇന്നു രാത്രി തന്നെ മുൻപ് മാറ്റി താമസിപ്പിച്ചു തുടങ്ങി. ഏത് സാഹചര്യവും നേരിടാൻ തയ്യാറാണെന്ന് ഇടുക്കി ജില്ലാ ഭരണകൂടം അറിയിച്ചു. പകൽ സമയത്ത് മാത്രമേ ഡാം തുറക്കാവൂ എന്ന് കലക്ടർ തമിഴ്‌നാടിനോട് ആവശ്യപ്പെട്ടിട്ടുണ്ട്. മാറ്റി താമസിക്കുന്നവർക്കായി 20ലധികം ക്യാമ്പുകൾ സജ്ജമാക്കിയിട്ടുണ്ട്. 

       ജലനിരപ്പ് ഉയർന്നതോടെ ഡാം തുറക്കുന്നതുമായി ബന്ധപ്പെട്ട് തമിഴ്‌നാട് ഇടുക്കി ജില്ലാ ഭരണകൂടത്തിന് ജാഗ്രതാ നിർദ്ദേശം

നൽകിയിരുന്നു. ജലനിരപ്പ് ക്രമാതീതമായി ഉയർന്നാൽ, ഇരുപത്തിയെട്ടാം തീയതി ഡാം തുറക്കുമെന്നാണ് തമിഴ്‌നാട് ജലവിഭവ വകുപ്പ് അറിയിക്കുന്നത്. അവസാന റിപ്പോർട്ട് അനുസരിച്ച് ഡാമിലെ ജലനിരപ്പ് 134.60 അടിയാണ്. ജൂൺ മാസത്തിലെ റോൾ കർവ് പ്രകാരം 136 അടിയാണ് പരമാവധി സംഭരണശേഷി. സെക്കൻഡിൽ 6100 ഘനയടി വെള്ളമാണ് അണക്കെട്ടിലേക്ക് ഒഴുകിയെത്തുന്നത്. 1860 ഘനയടി വെള്ളമാണ് തമിഴ്‌നാട് കൊണ്ടു പോകുന്നത്. 2022 ആഗസ്റ്റിലാണ് അണക്കെട്ട് അവസാനമായി തുറന്നത്.