കെട്ടിടത്തിനു മുകളിൽ യുവാവ് മരിച്ച നിലയിൽ കണ്ടെത്തി.

കെട്ടിടത്തിനു മുകളിൽ യുവാവ് മരിച്ച നിലയിൽ കണ്ടെത്തി.

തിരു.: കഠിനംകുളം പുതുക്കുറിച്ചിയിൽ കെട്ടിടത്തിനു മുകളിൽ യുവാവ് മരിച്ച നിലയിൽ കണ്ടെത്തി. പുതുക്കുറിച്ചി തെരുവിൽ തൈവിളാകം വീട്ടിൽ സജീർ (43) ആണ് മരിച്ചത്. പുതുക്കുറിച്ചിയിലെ ബേക്കറി കെട്ടിടത്തിന്റെ ടെറസിൽ രാവിലെ പതിനൊന്നു മണിയോടെയാണ് മൃതദേഹം കണ്ടെത്തിയത്. രണ്ടാമത്തെ നിലയിൽ താമസിക്കുന്നയാൾ തുണി വിരിക്കാൻ ടെറസിലെത്തിയപ്പോഴാണ് സജീറിനെ തറയിൽ മരിച്ചു കിടക്കുന്ന നിലയിൽ കണ്ടത്. തുടർന്ന് കഠിനംകുളം പോലീസിൽ വിവരം അറിയിക്കുകയായിരുന്നു. അതേസമയം, ബന്ധുക്കൾ മരണത്തിൽ ദുരൂഹത ആരോപിച്ച് രംഗത്തെത്തി. ബന്ധുക്കൾക്ക് പരാതിയുള്ളതിനാൽ സയന്റിഫിക് വിരലടയാള വിദഗ്‌ധർ സ്ഥലത്തെത്തി പരിശോധന നടത്തി. പോലീസ് തുടർ നടപടികൾ സ്വീകരിച്ചു.