ജാമ്യത്തിലിറക്കി ഒരു വർഷമായി ഒളിവിൽ കഴിഞ്ഞിരുന്ന ഇരട്ട കൊലപാതക കേസിലെ പ്രതിയെ ബാംഗ്ലൂരിൽ നിന്നും പിടികൂടി.

ജാമ്യത്തിലിറക്കി ഒരു വർഷമായി ഒളിവിൽ കഴിഞ്ഞിരുന്ന ഇരട്ട കൊലപാതക കേസിലെ പ്രതിയെ ബാംഗ്ലൂരിൽ നിന്നും പിടികൂടി.

കോട്ടയം: താഴത്തങ്ങാടിയിൽ ദമ്പതികളെ കൊലപ്പെടുത്തിയ ശേഷം ജാമ്യം നേടി, കോടതി നടപടികൾ പുരോഗമിക്കവേ ഒളിവിൽ പോയ പ്രതിയെ കോട്ടയം വെസ്റ്റ് പോലീസ് പിടികൂടി. 2020 ജൂലൈയിൽ മോഷണത്തിനായി കോട്ടയം താഴത്തങ്ങാടി പാറപ്പാടം ഷാനി മൻസിലിൽ മുഹമ്മദ് സാലി (65) ഭാര്യ ഷീബ​ (60) എന്നിവരെ കൊല്ലപ്പെടുത്തിയ താഴത്തങ്ങാടി സ്വദേശി മുഹമ്മദ്​ ബിലാലാണ്​ (27) കേസിൻ്റെ നടപടികൾക്കിടെ മുങ്ങിയത്. ഒരു വർഷമായി ഒളിവിൽ കഴിഞ്ഞിരുന്ന പ്രതിയെ ബാംഗ്ലൂരിൽ നിന്നുമാണ് പിടികൂടിയത്.

        കൊലപാതകത്തിന് ശേഷം ഇയാൾക്ക് 2022ലാണ് ജാമ്യം ലഭിക്കുന്നത്. പിന്നീട് വനിതാ തൊഴിലാളിയെ അപമാനിച്ച മറ്റൊരു കേസിലും ഇയാൾ അറസ്റ്റിലായിരുന്നു. ഈ കേസിലും ജാമ്യം ലഭിച്ച ശേഷമാണ് കഴിഞ്ഞ വർഷം ഇയാൾ ഒളിവിൽ പോകുന്നത്. ബാംഗ്ലൂരിൽ ഉണ്ടെന്ന് മനസ്സിലാക്കിയ പോലീസ്, സൈബർ സെല്ലിന്റെ സഹായത്തോടെ നടത്തിയ അന്വേഷത്തിലാണ് പ്രതിയെ വീണ്ടും കണ്ടെത്തി അറസ്റ്റ് ചെയ്തത്.