കാമുകിയെ കാറിടിച്ച് കൊലപ്പെടുത്താൻ ശ്രമം; പ്രതിക്ക് തടവുശിക്ഷ.

കാമുകിയെ കാറിടിച്ച് കൊലപ്പെടുത്താൻ ശ്രമം; പ്രതിക്ക് തടവുശിക്ഷ.

ആലപ്പുഴ: പ്രണയബന്ധത്തിൽ നിന്ന് പിൻമാറിയ കാമുകിയെ കാറിടിച്ച് കൊലപ്പെടുത്താൻ ശ്രമിച്ച കേസിൽ പ്രതിക്ക് തടവുശിക്ഷ വിധിച്ച് ആലപ്പുഴ കോടതി. നൂറനാട് ഇടപ്പോൺ ഐരാണിക്കുടി വിഷ്ണുഭവനിൽ വിപിന് (37) ആണ് ആലപ്പുഴ ജില്ലാ അഡീഷണൽ സെഷൻസ് കോടതി 3 ജഡ്ജി ഷുഹൈബ് മൂന്ന് വർഷം തടവുശിക്ഷ വിധിച്ചത്.

         2011 ഫെബ്രുവരി 10നാണ് കേസിനാസ്പദമായ സംഭവം നടന്നത്. താമരക്കുളം ചാവടി ജംഗ്ഷന് സമീപം ബസ് കയറാൻ നിന്ന യുവതിയെ പ്രതി കാർ ഇടിപ്പിച്ച് ഗുരുതരമായി പരിക്കേൽപ്പിക്കുകയായിരുന്നു. നൂറനാട് സബ്ബ് ഇൻസ്പെക്ടർ പി.കെ. ശ്രീധരൻ അന്വേഷണം നടത്തി കുറ്റപത്രം സമർപ്പിച്ച കേസിലാണ് വിധി. പ്രോസിക്യൂഷനു വേണ്ടി അഡീഷണൽ ഗവൺമെന്റ് പ്ലീഡർ & പബ്ലിക് പ്രോസിക്യൂട്ടർമാരായ അഡ്വ.സി വിധു, എൻ.ബി. ഷാരി എന്നിവർ ഹാജരായി.