സ്കൂട്ടറിൽ നിന്നും വീണ രണ്ടാം ക്ലാസുകാരി ബസ് ഇടിച്ചു മരിച്ചു.

സ്കൂട്ടറിൽ നിന്നും വീണ രണ്ടാം ക്ലാസുകാരി ബസ് ഇടിച്ചു മരിച്ചു. 

പാലക്കാട്: കൊഴിഞ്ഞാമ്പാറയിൽ സ്കൂട്ടറിൽ നിന്നും വീണ രണ്ടാം ക്ലാസുകാരി ബസ് ഇടിച്ചു മരിച്ചു. അത്തിക്കോടാണ് അപകടം. രണ്ടാം ക്ലാസുകാരി മിസ്‌രിയയാണ് മരിച്ചത്. 

       ബസിനു മുന്നിൽ സഞ്ചരിച്ച സ്കൂട്ടർ നിയന്ത്രണം വിട്ട് മറിഞ്ഞതോടെ കുട്ടി ബസിനടിയിലേക്ക് തെറിച്ച് വീഴുകയായിരുന്നു. പിതാവിനൊപ്പം സ്കൂളിൽ പോകുന്നതിനിടെയാണ് അപകടം. 

മുമ്പിൽ പോയ ഓട്ടോ പെട്ടെന്ന് നിർത്തിയപ്പോൾ ഇടിക്കാതിരിക്കാൻ ബ്രേക്ക് ചെയ്തപ്പോളാണ് സ്കൂട്ടർ ചരിയുകയും കുട്ടി റോഡിലേയ്ക്ക് വീഴുകയുമുണ്ടായത്. റോഡിലേക്ക് തെറിച്ചു വീണ കുട്ടിയുടെ ശരീരത്തിൽ പിന്നാലെ വന്ന ബസ് കയറുകയായിരുന്നു.