കുഴഞ്ഞു വീണ മൂന്ന് കുട്ടികളെ ഐസിയുവിലേക്ക് മാറ്റിയിട്ടുണ്ട്. മരണസംഖ്യ ഉയരുമെന്നാണ് ആശങ്ക. സംഭവത്തെ തുടർന്ന് വിജയ് പ്രസംഗം പൂർത്തിയാക്കാതെ കാരവാനിലേക്ക് മടങ്ങി. സെന്തിൽ ബാലാജിയോട് കരൂർ ആശുപത്രിയിലേക്ക് പോകാൻ മുഖ്യമന്ത്രി സ്റ്റാലിൻ നിർദ്ദേശിച്ചു.
ആരോഗ്യ മന്ത്രിയും വിദ്യാഭ്യാസ മന്ത്രിയും ക്രമസമാധന ചുമതലയുള്ള എഡിജിപിയും കരൂരിലേക്ക് തിരിച്ചു.. തിക്കിലും തിരക്കിലും പെട്ട് പലരും കുഴഞ്ഞു വീഴുന്നതിനാൽ പ്രസംഗത്തിനിടെ വിജയ് ടിവികെ നേതാക്കളോട് ആംബുലൻസ് വിളിക്കാൻ ആവശ്യപ്പെട്ടിരുന്നു. വിജയ് ഇടയ്ക്ക് ആൾക്കൂട്ടത്തിലേക്ക് വെള്ളക്കുപ്പികളും എറിഞ്ഞു കൊടുത്തിരുന്നു. ജനക്കൂട്ടം നിയന്ത്രണാതീതമായതോടെ പോലീസിന്റെ സഹായം ആവശ്യപ്പെട്ട് വിജയ് പ്രസംഗം അവസാനിപ്പിക്കുകയായിരുന്നു. റാലിയിൽ പ്രതീക്ഷിച്ചത് 10500 പേർ ആണെങ്കിലും എത്തിയത് 30,000ഓളം പേരെന്നാണ് നിഗമനം.
മരിച്ചവരിൽ 8 പേർ കുട്ടികളാണ്. 17 പേർ സ്ത്രീകളും,11 പേർ പുരുഷന്മാരുമാണ്. 58 പേർ ഗുരുതരമായി പരിക്കേറ്റു ചികിത്സയിലുണ്ട്.
മരിച്ചവരുടെ കുടുംബത്തിന് മുഖ്യമന്ത്രി എം.കെ സ്റ്റാലിൻ 10 ലക്ഷം രൂപ ധനസഹായം പ്രഖ്യാപിച്ചു. കരൂരിലേക്ക് മുഖ്യമന്ത്രി സ്റ്റാലിനും എത്തുന്നുണ്ട്.
0 Comments