പേരൂർക്കാവ് നവരാത്രി മഹോത്സവം ആരംഭിച്ചു.

പേരൂർക്കാവ് നവരാത്രി മഹോത്സവം ആരംഭിച്ചു.

കോട്ടയം: ഏറ്റുമാനൂരപ്പന്റെ പുത്രിയും ഏഴരക്കരയുടെ അധിപയുമായി പ്രശസ്തിതിയാർജ്ജിച്ച പേരൂർകാവ് ഭഗവതി ക്ഷേത്രത്തിലെ നവരാത്രി മഹോത്സവം ആരംഭിച്ചു. സെപ്റ്റംബർ 22 മുതൽ 30 വരെ ഒറ്റപ്പാലം മാധവിക്കുട്ടി വരാസ്യർ മുഖ്യ യജ്ഞചര്യയായി ശ്രീമദ് ദേവി ഭാഗവത നവാഹയജ്ഞം (മൂലം) നടന്നു വരുന്നു. ഒക്ടോബർ ഒന്നിന് ക്ഷേത്രം തന്ത്രി ബ്രഹ്മശ്രീ ഭദ്രകാളി മറ്റപ്പള്ളിമന നാരായണൻ നമ്പൂതിരിയുടെ മുഖ്യകർമ്മികത്വത്തിൽ ലക്ഷാർച്ചന നടക്കും. അന്നേദിവസം വൈകിട്ട് 7.45 ന് വീണക്കച്ചേരിയും ഒക്ടോബർ രണ്ടിന് പേരൂർക്കാവ് നവരാത്രി സംഗീതോത്സവത്തോടനുബന്ധിച്ചു രാവിലെ 8 മുതൽ അഖണ്ഡ സംഗീതാരാധനയും നടക്കും.

        പേരൂർക്കാവ് ഭഗവതി ക്ഷേത്രത്തിലെ നവരാത്രി മഹോത്സവത്തോടനുബന്ധിച്ച് കലാകാരന്മാർക്കായി ഏർപ്പെടുത്തിയ പ്രഥമ പേരൂർക്കാവിലമ്മ പുരസ്കാരത്തിനു മേളപ്രമാണി പേരൂർ സുരേഷിനെ തെരഞ്ഞെടുത്തു. 10001 രൂപയും ഫലകവും പ്രശസ്തിപത്രവും അടങ്ങുന്നതാണ് പുരസ്‌കാരം. മഹാനവമി ദിനത്തിൽ വൈകിട്ട് 7.30ന് പേരൂർകാവ് നവരാത്രി മണ്ഡപത്തിൽ വെച്ച് പുരസ്‌കാരം സമ്മാനിക്കും.