ഇടുക്കി: അയർലൻഡിൽ മലയാളി നഴ്സ് അന്തരിച്ചു. അയർലൻഡിലെ ലോംഗ്ഫോർഡിൽ കുടുംബമായി താമസിക്കുന്ന തൊടുപുഴ മുതലക്കോടം കിഴക്കേക്കര എപ്രേം സെബാസ്റ്റ്യൻ്റെ ഭാര്യ ഷാൻ്റി പോൾ (52) ആണ് മരിച്ചത്. ഇന്ന് രാവിലെ 8 മണിയോടെ മുള്ളിംഗാർ ഹോസ്പിറ്റലിൽ വച്ചായിരുന്നു അന്ത്യം എറണാകുളം അങ്കമാലി മുക്കന്നൂർ അട്ടാറ മാളിയേക്കൽ കുടുംബാംഗമാണ് ഷാന്റി. രണ്ട് വർഷത്തോളമായി കാൻസർ ബാധിതായി ചികിത്സയിൽ ആയിരുന്നു.
ലോംഗ്ഫോര്ഡിലെ മിഡ്ലാൻസ് ഇന്റലക്ച്വൽ ഡിസെബിലിറ്റി സെന്ററിൽ സ്റ്റാഫ് നഴ്സായിരുന്നു. ലോംഗ്ഫോർഡിൽ എത്തും മുമ്പ് താല ന്യൂ കാസിലിൽ താമസിച്ചിരുന്ന ഷാന്റി പോള്, ബ്യൂമോണ്ട് ഹോസ്പിറ്റലില് ജോലി ചെയ്തിട്ടുണ്ട്. കഴിഞ്ഞ 5 വര്ഷമായി ലോംഗ്ഫോര്ഡിലാണ് ഷാന്റിയും കുടുംബവും താമസിക്കുന്നത്. കോളജ് വിദ്യാര്ത്ഥികളായ എമില്, എവിന്, അലാന എന്നിവരാണ് മക്കൾ. സംസ്കാരം പിന്നീട് നടക്കും.
0 Comments