ചാമ്പ്യൻസ് ബോട്ട് ലീഗ്: അഞ്ചാം സീസണിലെ ആദ്യജയം വീയപുരം ചുണ്ടന്.

ചാമ്പ്യൻസ് ബോട്ട് ലീഗ്: അഞ്ചാം സീസണിലെ ആദ്യജയം വീയപുരം ചുണ്ടന്.

ആലപ്പുഴ:  വില്ലേജ് ബോട്ട് ക്ലബ് കൈനകരി തുഴഞ്ഞ വീയപുരം ചുണ്ടൻ സിബിഎൽ അഞ്ചാം സീസണിലെ ആദ്യ മത്സരത്തിൽ വിജയികളായി. മൂന്ന് മിനിറ്റ് 33 സെക്കൻ്റ് 34 മൈക്രോ സെക്കൻ്റിൽ ഫിനിഷ് ചെയ്താണ് വീയപുരം ജേതാക്കളായത്. മൂന്ന് മിനിറ്റും 33 സെക്കൻ്റും 62 മൈക്രോ സെക്കൻ്റും

എടുത്ത് ഫിനിഷ് ചെയ്ത പള്ളാത്തുരുത്തി ബോട്ട് ക്ലബിൻ്റെ മേൽപ്പാടം ചുണ്ടൻ രണ്ടാം സ്ഥാനവും മൂന്ന് മിനിറ്റും 41 സെക്കൻ്റും 68 മൈക്രോ സെക്കൻ്റും എടുത്ത് ഫിനിഷ് ചെയ്ത നിരണം ബോട്ട് ക്ലബിൻ്റെ നിരണം ചുണ്ടൻ മൂന്നാം സ്ഥാനവും നേടി.

         കൈനകരി പമ്പയാറ്റിൽ നടന്ന കൈനകരി ജലോത്സവത്തോടെ ചാമ്പ്യൻസ് ബോട്ട് ലീഗ് 5-ാം സീസണിൻ്റെ സംസ്ഥാനതല ഉദ്ഘാടനവും നടന്നു. ഒമ്പത് ചുണ്ടൻ വള്ളങ്ങളാണ് ജലോത്സവത്തിൽ മത്സരിച്ചത്. 

         ലൂസേഴ്‌സ് ഫൈനലിൽ നടുഭാഗം, നടുവിലേപ്പറമ്പൻ, പായിപ്പാട് എന്നീ ചുണ്ടനുകൾ യഥാക്രമം നാല്, അഞ്ച്, ആറ് സ്ഥാനങ്ങൾ നേടി. ചെറുതന, കാരിച്ചാൽ, ചമ്പക്കുളം ചുണ്ടനുകൾ ഏഴ്, എട്ട്, ഒമ്പത് സ്ഥാനങ്ങളിൽ എത്തി. വിജയികൾക്കുള്ള സമ്മാനദാനം കൃഷിവകുപ്പ് മന്ത്രി പി. പ്രസാദ് നിർവഹിച്ചു.