സ്വർണ്ണക്കൊള്ള: ഉണ്ണികൃഷ്‌ണൻ പോറ്റിയെ റിമാൻഡ് ചെയ്‌തു.

സ്വർണ്ണക്കൊള്ള: ഉണ്ണികൃഷ്‌ണൻ പോറ്റിയെ റിമാൻഡ് ചെയ്‌തു.

പത്തനംതിട്ട: ശബരിമല സ്വർണ്ണക്കൊള്ളയിൽ എസ്ഐടി കസ്റ്റഡിയിലുള്ള ഉണ്ണികൃഷ്‌ണൻ പോറ്റിയെ കോടതി റിമാൻഡ് ചെയ്‌തു. 14 ദിവസത്തെ കസ്റ്റഡി തീരുന്ന പശ്ചാത്തലത്തിലാണ് റാന്നി ജുഡീഷ്യൽ ഒന്നാം ക്ലാസ് മജിസ്ട്രേറ്റ് കോടതിയിൽ ഹാജരാക്കിയത്. ഇയാളെ തിരുവനന്തപുരം സ്പെഷ്യൽ സബ് ജയിലിലേക്ക് മാറ്റും. ഉണ്ണികൃഷ്ണ‌ൻ പോറ്റിയെ അടുത്ത ആഴ്ച കട്ടിളപ്പാളി തട്ടിപ്പ് കേസിൽ അറസ്റ്റ് ചെയ്യും. ദ്വാരപാലക പാളികളിലെ സ്വർണ്ണകൊള്ളയ്ക്ക് പുറമെ കട്ടിളപ്പാളികളിലെ സ്വർണ്ണകവർച്ചയിൽ കൂടി പോറ്റിയെ അറസ്റ്റ് ചെയ്യാനുള്ള അപേക്ഷ എസ്ഐടി ഇന്ന് കോടതിയിൽ നൽകി.