ആലപ്പുഴ: നിയന്ത്രണം തെറ്റിയ കാറിടിച്ച് പരിക്കേറ്റ് ചികിത്സയിൽ കഴിഞ്ഞ വിദ്യാർത്ഥി മരിച്ചു. നീർക്കുന്നം വെള്ളംതെങ്ങിൽ അബ്ദുൾ സലാമിൻ്റെ മകൻ സഹിൽ (8) ആണ് മരിച്ചത്.
വെള്ളിയാഴ്ച ഉച്ചക്ക് ദേശീയപാതയിൽ പുന്നപ്ര മാർക്കറ്റ് ജംഗ്ഷനിലായിരുന്നു അപകടം. ബന്ധുവായ ഐഷക്കൊപ്പം സൈക്കിളിൽ പോകുമ്പോൾ നിയന്ത്രണം തെറ്റിയ കാറിടിച്ചാണ് അപകടം സംഭവിച്ചത്. തുടർന്ന് ഇരുവരെയും ആലപ്പുഴ മെഡിക്കൽ കോളേജാശുപത്രിയിൽ പ്രവേശിപ്പിച്ചു. ഇന്ന് പുലർച്ചെയാണ് സഹിൽ മരിച്ചത്. പുന്നപ്ര ഗവ. ജെബി സ്കൂളിലെ നാലാം ക്ലാസ് വിദ്യാർത്ഥിയാണ്.
0 Comments