തിരു.: സംസ്ഥാനത്ത് തീവ്ര വോട്ടര് പട്ടിക പരിഷ്കാരത്തിന് തുടക്കമായി. രാജ്ഭവനില് ഗവര്ണ്ണര് രാജേന്ദ്ര വിശ്വനാഥ് ആര്ലേക്കറാണ് എസ്ഐആറിന് തുടക്കം കുറിച്ചത്. സംസ്ഥാന മുഖ്യ തെരഞ്ഞെടുപ്പ് ഓഫീസര് രത്തന് യു. ഖേല്ക്കര് ആദ്യ എന്യൂമറേഷന് ഫോം ഗവര്ണ്ണര്ക്ക് നല്കിയാണ് എസ്ഐആറിന് തുടക്കം കുറിച്ചത്.
പുതുക്കിയ വോട്ടര് പട്ടികയില് യോഗ്യരായ ഒരു വോട്ടറെയും ഒഴിവാക്കുന്നില്ലെന്ന് ഉറപ്പാക്കണമെന്ന് ഗവര്ണ്ണര് തെരഞ്ഞെടുപ്പ് ഉദ്യോഗസ്ഥരോട് അഭ്യര്ത്ഥിച്ചു. സ്വതന്ത്രവും നിഷ്പക്ഷവുമായ തെരഞ്ഞെടുപ്പിന് സമഗ്രവും തെറ്റില്ലാത്തതുമായ വോട്ടര് പട്ടിക അനിവാര്യമാണ്. വേഗത്തിലുള്ളതും പിശകുകൾ ഇല്ലാത്തതുമായ പുനരവലോകനത്തിനായി ജനങ്ങളോട് സഹകരിക്കാനും ഗവര്ണ്ണര് അഭ്യര്ത്ഥിച്ചു.
എന്യൂമറേഷന് ഫോമിന്റെ അച്ചടി തിങ്കളാഴ്ച പൂര്ത്തിയാകുമെന്നാണ് സൂചന. സംസ്ഥാനത്ത് തീവ്ര വോട്ടര് പട്ടിക പരിഷ്കരണം നവംബര് നാലിന് തുടക്കം കുറിക്കുമെന്നാണ് തെരഞ്ഞെടുപ്പ് കമ്മീഷന് അറിയിച്ചിട്ടുള്ളത്. അതേസമയം, എസ്ഐആറിനെ കോണ്ഗ്രസും ഇടതുപക്ഷവും എതിര്ക്കുകയാണ്.
0 Comments