കോട്ടയയം മെഡിക്കൽ കോളേജ് ആശുപത്രിലെ അത്യാഹിത വിഭാഗത്തിന് എൻഎബിഎച്ച് അംഗീകാരം.

കോട്ടയയം മെഡിക്കൽ കോളേജ് ആശുപത്രിലെ അത്യാഹിത വിഭാഗത്തിന് എൻഎബിഎച്ച് അംഗീകാരം.

കോട്ടയം: ഗവൺമെൻ്റ് മെഡിക്കൽ കോളേജ് ആശുപത്രിലെ അത്യാഹിത വിഭാഗത്തിന് എൻഎബിഎച്ച് (NABH) അംഗീകാരം. കേരളത്തിലെ ഒരു സർക്കാർ മെഡിക്കൽ കോളേജിന് ആദ്യമായി ലഭിക്കുന്ന ആദ്യ നേട്ടമാണിത്.

      2018 മുതൽ ആരംഭിച്ച നിരന്തരമായ പരിശ്രമത്തിന്റെയും ജീവനക്കാരുടെയും മറ്റ് പ്രവർത്തകരുടെയും കൂട്ടായ പ്രയത്‌നത്തിന്റെയും ഫലമായിട്ടാണ് കോട്ടയം ഗവ. മെഡിക്കൽ കോളേജ് ആശുപത്രിലെ അത്യാഹിത വിഭാഗത്തിന് ദേശീയ നിലവാരത്തിലുള്ള എൻഎബിഎച്ച് സർട്ടിഫിക്കേഷൻ (National Accreditation Board for Hospitals & Healthcare Providers - Emerald) അംഗീകാരം ലഭിച്ചത്. ഇത് ആശുപത്രിയുടെ സേവന നിലവാരത്തിനും പ്രവർത്തന മാനദണ്ഡങ്ങൾക്കും ലഭിച്ച ഏറ്റവും ഉയർന്ന അംഗീകാരം കൂടിയാണ്.

      സർക്കാർ മെഡിക്കൽ കോളേജിലെ ചികിത്സായുടെ പ്രത്യേകിച്ച് അത്യാഹിത വിഭാഗത്തിലെ സേവനങ്ങളുടെ ഗുണനിലവാരം ഉയർത്തുക എന്ന ലക്ഷ്യമിട്ട് ആരോഗ്യ മന്ത്രി വീണ ജോർജ് മുൻപോട്ടു വച്ച ക്വാളിറ്റി ഇംപ്രൂവ്മെൻ്റ് ഇനിഷ്യേറ്റീവ് എന്ന പദ്ധതിയുടെ ചുവടു പിടിച്ചാണ് ഈ നേട്ടം. എമർജൻസി വിഭാഗത്തിൽ ഒരു പ്രൊഫസർ, നാല് അസിസ്റ്റന്റ് പ്രൊഫസർമാർ, 10 സീനിയർ റെസിഡന്റ് ഡോക്ടർമാർ എന്നിവരെയും നിയമിച്ചതോടെയാണ് എൻഎബിഎച്ച് അസിക്രെഡിറ്റേഷൻ പരിഗണനക്കായി ഈ വിഭാഗം സജ്ജമായത് . 

     ആരോഗ്യ വകുപ്പ് അഡിഷണൽ ചീഫ് സെക്രട്ടറി ഡോ. രാജൻ ഖോബ്രഗഡെ, ഡയറക്ടർ ഓഫ് മെഡിക്കൽ എഡ്യൂക്കേഷൻ ഡോ. കെ.വി. വിശ്വനാഥൻ എന്നിവർ നൽകിയ നേതൃത്വത്തിൽ പ്രിൻസിപ്പൽ ഡോ. വർഗീസ് പി. പുന്നൂസ്, സൂപ്രണ്ട് ഡോ. ടി.കെ. ജയകുമാർ, വൈസ് പ്രിൻസിപ്പൽ ഡോ. അജിത് കുമാർ കെ., ഡെപ്യൂട്ടി സൂപ്രണ്ടുമാരായ ഡോ. രതീഷ് കുമാർ ആർ., ഡോ. അഞ്ജലി പ്രേം, ഡോ. സിറിൽ ജേക്കബ് കുര്യൻ, ആർഎംഒ ഡോ. സാം ക്രിസ്റ്റി മാമ്മൻ, ചീഫ് നഴ്സിംഗ് ഓഫീസർ ഉഷാ പി.കെ., എമർജൻസി മെഡിസിൻ വിഭാഗം ഡോക്ടർമാർ, നഴ്സുമാർ, മറ്റ് ജീവനക്കാർ

എന്നിവരുടെ ഏകോപിതമായ പരിശ്രമവും എൻഎബിഎച്ച് അംഗീകാരത്തിന് നിർണ്ണായകമായി. ഗുണനിലവാര മെച്ചപ്പെടുത്തൽ പ്രവർത്തനങ്ങൾക്ക് ക്വാളിറ്റി ഇംപ്രൂവ്മെൻ്റ് സെൽ നോഡൽ ഓഫീസർ ഡോ. സരിത ജെ. ഷേണായി, കോർഡിനേറ്റർമാരായ നൈസ്മോൾ ജോർജ്ജ്, ചൈത്ര ആർ., രാജലക്ഷമി എസ്., ഇൻഫക്ഷൻ കൺട്രോൾ കോർഡിനേറ്റർമാരായ ബിജോ ലൂക്കോസ്, സീമ എസ്., ട്രീസ ജോർജ്ജ്, ക്ലിനിക്കൽ നഴ്സിംഗ് എഡ്യുക്കേഷൻ യൂണിറ്റ് കോർഡിനേറ്റർമാരായ സ്മിത എസ്., റോസി ജോൺ എന്നിവരാണ് ചുക്കാൻ പിടിച്ചത്.

     ഇതിനു മുമ്പ് തന്നെ ആശുപത്രി ലക്ഷ്യ അക്രഡിറ്റേഷനും (പ്രസവ, പ്രസവാനന്തര സേവനങ്ങൾക്കുള്ള ദേശീയ നിലവാര അംഗീകാരം) കെയുഎച്എസ് എ പ്ലസ് ഗ്രേഡ് അക്രഡിറ്റേഷനും നേടിയിട്ടുണ്ട്.

രോഗീസൗഹൃദ സേവനങ്ങൾ, സുരക്ഷാ പ്രോട്ടോക്കോളുകൾ, ശുചിത്വം, അടിയന്തര സേവനങ്ങളുടെ കാര്യക്ഷമത, നിലവാരനിയന്ത്രണം തുടങ്ങിയ എല്ലാ മേഖലകളിലും നടപ്പാക്കിയ പുരോഗതികളെ അടിസ്ഥാനമാക്കിയാണ് ഇഡി-എൻഎബിഎച് അംഗീകാരം ലഭിച്ചത്.