പത്തനംതിട്ട : സ്കൂൾ കുട്ടികളുമായി പോയ ഓട്ടോറിക്ഷ തോട്ടിലേയ്ക്ക് മറിഞ്ഞ് ഒരു വിദ്യാർത്ഥി മരിച്ചു. കരുമാൻതോട് ശ്രീനാരായണ സ്കൂൾ വിദ്യാർത്ഥിയായ എട്ട് വയസുകാരി ആദിലക്ഷ്മിയാണ് മരിച്ചത്. അപകടത്തിൽ ഡ്രൈവർക്ക് ഗുരുതരമായി പരിക്കേറ്റു.
റോഡിൽ പാമ്പിനെ കണ്ട് വെട്ടിച്ചതിനെ തുടർന്ന് ഓട്ടോറിക്ഷ തോട്ടിലേയ്ക്ക് മറിയുകയായിരുന്നു. ഡ്രൈവറും അഞ്ചു കുട്ടികളുമാണ് വാഹനത്തിലുണ്ടായിരുന്നത്. ഇതില് രണ്ടു കുട്ടികളുടെ തലയ്ക്കും ഒരാള്ക്ക് കൈയ്ക്കും പരിക്കേറ്റു. ഇതിനിടെ അപകടത്തിൽപ്പെട്ട ഓട്ടോയിലുണ്ടായിരുന്ന നാല് വയസുകാരനെ കാണാതായതും വലിയ ആശങ്ക ഉളവാക്കി. അപകടസ്ഥലത്തിന് സമീപം അഗ്നിരക്ഷാ സേനാംഗങ്ങൾ നാട്ടുകാരുമായി ചേർന്ന് നടത്തിയ തെരച്ചിലിലാണ് കുട്ടിയെ കണ്ടെത്തിയത്. ഈ കുട്ടിയെയും ആശുപത്രിയിലേക്ക് മാറ്റി.
0 Comments