ട്രെയിനിൽ ആക്രമണത്തിനിരയായ യുവതിയുടെ ആരോഗ്യനില ഗുരുതരമായി തുടരുന്നു.

ട്രെയിനിൽ ആക്രമണത്തിനിരയായ യുവതിയുടെ ആരോഗ്യനില ഗുരുതരമായി തുടരുന്നു.

തിരു.: വർക്കലയിൽ ട്രെയിനിൽ ആക്രമണത്തിനിരയായ ശ്രീക്കുട്ടിയുടെ (19) ആരോഗ്യനില ഗുരുതരമായി തുടരുന്നു. തലയ്ക്കും നട്ടെല്ലിനും ഗുരുതരമായി പരിക്കേറ്റ ശ്രീക്കുട്ടി തിരുവനന്തപുരം മെഡിക്കൽ കോളജ് ആശുപത്രിയിൽ തീവ്രപരിചര ണ വിഭാഗത്തിൽ ചികിത്സയിലാണ്. യുവതിയുടെ തലച്ചോറിൽ ചതവ് ഉണ്ടെന്ന് കണ്ടെത്തി. സർജിക്കൽ ഐസിയുവിലാണ് ഇപ്പോൾ ഉള്ളത്. ശ്രീക്കുട്ടി അപകടനില തരണം ചെയ്തിട്ടില്ലെന്നും ന്യൂറോ ഉൾപ്പടെ എല്ലാ വിഭാഗങ്ങളും ചേർന്നുള്ള ചികിത്സയാണ് നിലവിൽ നൽകുന്നതെന്നും മെഡിക്കൽ കോളജ് സൂപ്രണ്ട് ഡോ. ജയചന്ദ്രൻ പറഞ്ഞു.

     ഞായറാഴ്ച രാത്രി 8.40ന് വർക്കല സ്റ്റേഷനിൽ നിന്നും രണ്ട് കിലോമീറ്റർ ദൂരം മാറി അയന്തി മേൽപ്പാലത്തിനടുത്തുവച്ച് കേരള എക്സ്പ്രസിൻ്റെ ജനറൽ കോച്ചിൽ നിന്നാണ് യുവതിയെ പുറത്തേയ്ക്ക് മദ്യലഹരിയിൽ അക്രമി തള്ളിയിട്ടത്.