തിരു.: ഒന്ന് മുതല് 12 വരെയുള്ള ക്ലാസുകളില് കലാ-കായിക വിദ്യാഭ്യാസത്തിനായി നിശ്ചയിച്ച പീരീയഡുകളില് മറ്റ് വിഷയങ്ങള് പഠിപ്പിക്കരുതെന്ന കര്ശനനിര്ദ്ദേശവുമായി സര്ക്കാര്. ബാലാവകാശ കമ്മീഷന്റെ ഉത്തരവിനെത്തുടര്ന്നാണ് സര്ക്കാര് ഈ നടപടി സ്വീകരിച്ചത്.
മറ്റു വിഷയങ്ങള്ക്കായി കലാ-കായിക-പ്രവൃത്തിപരിചയ പിരീയഡുകള് മാറ്റിവെക്കുന്നത് പാഠ്യപദ്ധതി സമീപനത്തിന് വിരുദ്ധമാണെന്ന് ബാലാവകാശ കമ്മീഷന് അംഗം ഡോ. എഫ്. വിത്സണ് നേരത്തെ ഉത്തരവിറക്കിയിരുന്നു. ഇതിന് പിന്നാലെയാണ് പൊതുവിദ്യാഭ്യാസ ഡയറക്ടറുടെ നിര്ദ്ദേശം.
0 Comments