തദ്ദേശ തെരഞ്ഞെടുപ്പ്: പൂർണ്ണഫലം ശനിയാഴ്ച ഉച്ചയോടെ തന്നെ, ക്രമീകരണങ്ങളൊരുക്കി തെരഞ്ഞെടുപ്പു കമ്മീഷൻ.

തദ്ദേശ തെരഞ്ഞെടുപ്പ്: പൂർണ്ണഫലം ശനിയാഴ്ച ഉച്ചയോടെ തന്നെ,  ക്രമീകരണങ്ങളൊരുക്കി തെരഞ്ഞെടുപ്പു കമ്മീഷൻ. 

തിരു.: തദ്ദേശ തെരഞ്ഞെടുപ്പ് വോട്ടെണ്ണലിന്റെ പൂർണ്ണഫലം 13ാം തീയതി ശനിയാഴ്ച ഉച്ചയോടെ തന്നെ ലഭ്യമാക്കാൻ ക്രമീകരണങ്ങളൊരുക്കി സംസ്ഥാന തെരഞ്ഞെടുപ്പു കമ്മീഷൻ. ഗ്രാമ-ബ്ലോക്ക്-ജില്ലാ പഞ്ചായത്തുകളിൽ ഒരേസമയം സമാന്തരമായി വോട്ടെണ്ണുന്നതിനാണ് ക്രമീകരണം ഏർപ്പെടുത്തിയിട്ടുള്ളത്.

       രാവിലെ എട്ടിന് വോട്ടെണ്ണൽ തുടങ്ങും. ആദ്യം തപാൽ വോട്ടാണ് എണ്ണുന്നത്. ജില്ലാ പഞ്ചായത്തുകളിലെ തപാൽ വോട്ടുകളെണ്ണാൻ വരണാധികാരിയായ കളക്ടറുടെ ചേംബറിനു സമീപം പ്രത്യേക വോട്ടെണ്ണൽ കേന്ദ്രം ക്രമീകരിക്കും. ഗ്രാമ-ബ്ലോക്ക് പഞ്ചായത്തുകളിലെ തപാൽ വോട്ടുകൾ ബന്ധപ്പെട്ട വരണാധികാരികൾക്കു മുന്നിലാണ് എണ്ണുക. ജില്ലാ പഞ്ചായത്ത് ഡിവിഷനിലെ തപാൽ വോട്ട് എണ്ണുന്നതില് കാലതാമസം വരാതിരിക്കാൻ കളക്ടറുടെ നേതൃത്വത്തിൽ എണ്ണും. 258 വോട്ടെണ്ണൽ കേന്ദ്രങ്ങളാണ് സംസ്ഥാനത്ത് ഒരുക്കിയിട്ടുള്ളത്.