സന്നിധാനത്ത് അന്നദാനത്തിന് സദ്യ നല്‍കുന്നത് ഇന്നു മുതലുണ്ടാകില്ല.

സന്നിധാനത്ത് അന്നദാനത്തിന് സദ്യ നല്‍കുന്നത് ഇന്നു മുതലുണ്ടാകില്ല. 

ശബരിമല: സന്നിധാനത്ത് അന്നദാനത്തിന് സദ്യ നല്‍കുന്നത് ഇന്നു മുതലുണ്ടാകില്ല. സന്നിധാനത്ത് അന്നദാനത്തിന് സദ്യ നല്‍കുന്നത് സംബന്ധിച്ച്‌ അഞ്ചാം തീയതി നടക്കുന്ന ബോര്‍ഡ് യോഗത്തിനു ശേഷം തീരുമാനമെടുക്കുമെന്ന് തിരുവിതാംകൂര്‍ ദേവസ്വം ബോര്‍ഡ് പ്രസിഡന്റ് കെ. ജയകുമാർ. ഇന്നു മുതല്‍ ഉച്ചയ്ക്ക് സദ്യ നല്‍കി തുടങ്ങുമെന്നായിരുന്നു നേരത്തേ പറഞ്ഞത്. 

      നിലവില്‍ ഉച്ചയ്ക്ക് പുലാവാണ് നല്‍കുന്നത്. ഇത് സീസണ്‍ മുഴുവന്‍ നല്‍കാനാണ് കരാരുകാരന് കരാര്‍ നല്‍കിയിരിക്കുന്നത്. പുലാവ് മാറ്റി സദ്യ നല്‍കിയാലുള്ള നിയമപ്രശ്നവും സദ്യ വിളമ്പാന്‍ വേണ്ടി വരുന്ന അധികം സൗകര്യങ്ങളെക്കുറിച്ചും പഠിച്ചു റിപ്പോര്‍ട്ട് നല്‍കാന്‍ ദേവസ്വം കമ്മീഷണറുടെ നേതൃത്വത്തില്‍ കമ്മിറ്റിയെ നിയോഗിച്ചിട്ടുണ്ട്. കമ്മിറ്റി റിപ്പോര്‍ട്ട് ലഭിച്ച ശേഷം ബോര്‍ഡ് യോഗം ചേര്‍ന്നാണ് സദ്യയുടെ കാര്യത്തില്‍ തീരുമാനമെടുക്കുക. സദ്യ നല്‍കി തുടങ്ങുന്ന തീയതി താല്‍ക്കാലികമായി നീട്ടിവെച്ചത് മാത്രമാണെന്ന് എക്സിക്യൂട്ടീവ് ഓഫീസര്‍ ഓ.ജി. ബിജു പറഞ്ഞു. റിപ്പോര്‍ട്ട് ലഭിച്ചാലുടന്‍ എത്രയും പെട്ടെന്ന് തീരുമാനമെടുക്കുമെന്നും അദ്ദേഹം പറഞ്ഞു.