മലയാള കാവ്യസാഹിതി സംസ്ഥാന സമ്മേളനം നാളെയും മറ്റന്നാളും.

മലയാള കാവ്യസാഹിതി സംസ്ഥാന സമ്മേളനം നാളെയും മറ്റന്നാളും. 

കോട്ടയം: സ്വതന്ത്ര കലാ സാഹിത്യ സംഘടനയായ മലയാള കാവ്യസാഹിതിയുടെ എട്ടാമത് സംസ്ഥാന സമ്മേളനം 10, 11 തീയതികളിൽ കോട്ടയം സിഎസ്ഐ റിട്രീറ്റ് സെന്ററിൽ നടക്കും.

       ശനിയാഴ്ച രാവിലെ 9ന് സംസ്ഥാന പ്രസിഡന്റ് കാവാലം അനിൽ പതാക ഉയർത്തും. തുടർന്ന് കാവ്യസാഹിതി ബുക്സ് പുസ്തകശാല ഉദ്ഘാടന ചടങ്ങിന് ജനറൽ കൺവീനർ എം.ആർ. അനിൽകുമാർ ആമുഖ പ്രസംഗം നടത്തും. 11 മണിക്ക് കേന്ദ്രമന്ത്രി ജോർജ് കുര്യൻ സംസ്ഥാന സമ്മേനം ഉദ്ഘാടനം ചെയ്യും. കാവ്യസാഹിതി പുരസ്കാരം സുജിത് ഭാസ്കറിനു സമ്മാനിക്കും. 3.45ന് 'പത്രാധിപർക്കൊപ്പം', 4.20ന് 'എഴുത്തിന്റെ വഴിയേ' 5.10ന് കവിതയുടെ കാണാപ്പുറങ്ങൾ എന്ന വിഷയത്തിൽ മനോജ് കുറൂരുമായി മുഖാമുഖം തുടങ്ങിയവ നടക്കും 

        പതിനൊന്നാം തീയതി ഞായറാഴ്ച

രാവിലെ 9ന് നടക്കുന്ന പുസ്തക പ്രകാശന ചടങ്ങിൽ ഡോ. ആർ രവീന്ദ്രൻ നായരും കാവാലം അനിലും പ്രകാശന കർമ്മം നിർവഹിക്കും. 10.45 ന് 'ജനപ്രിയ സാഹിത്യം ഇന്നലെ ഇന്ന് ' എന്ന വിഷയത്തിലുള്ള സംവാദം,  സംഘാട സമിതി ചെയർമാൻ പഴയിടം മുരളി നയിക്കും. തുടർന്ന് മംഗളം, സുനന്ദ വാരികകളുടെ മുൻ എഡിറ്റർ അമ്പാട്ട് സുകുമാരൻ നായരെ ആദരിക്കും. 12.45ന് ആരംഭിക്കുന്ന നേർക്കുനേർ പരിപാടിയിൽ മുതിർന്ന പത്രപ്രവർത്തകരായ പ്രൊഫ. മാടവന ബാലകൃഷ്ണപിള്ള, പോൾ മണലിൽ എന്നിവർ പങ്കെടുക്കും. ഉച്ചകഴിഞ്ഞ് 2.45ന് നടക്കുന്ന സമാപനസഭ, ജന്മഭൂമി എഡിറ്റർ കെ.എൻ.ആർ. നമ്പൂതിരി ഉദ്ഘാടനം ചെയ്യും. കാവാലം അനിൽ അദ്ധ്യക്ഷത വഹിക്കും. താരസംഘടനയായ അമ്മയുടെ വൈസ് പ്രസിഡന്റ് ജയൻ ചേർത്തല വിശിഷ്ടാതിഥിയായി പങ്കെടുക്കും. സംഘാടക സമിതി ചെയർമാൻ പഴയിടം മുരളി, ജനറൽ കൺവീനർ എം.ആർ. അനിൽകുമാർ, കോട്ടയം ജില്ലാ സെക്രട്ടറി കൈപ്പുഴ ജയകുമാർ, സംഘടനാ സെക്രട്ടറി ദിവ്യ പ്രിയ, നിർവ്വാഹ സമിതി അംഗം മോഹൻദാസ് മുട്ടമ്പലം എന്നിവർ പരിപാടികൾ വിശദമായി അറിയിച്ചു.