ദമ്പതികളെ മരിച്ച നിലയിൽ കണ്ടെത്തി.
കാഞ്ഞിരപ്പള്ളി: പൊന്കുന്നത്ത് വാടകവീട്ടില് ദമ്പതികളെ മരിച്ച നിലയില് കണ്ടെത്തി. സാജന് (33), ഭാര്യ അനുഷ (30) എന്നിവരെയാണ് മരിച്ച നിലയില് കണ്ടെത്തിയത്. പൊന്കുന്നം തോണിപ്പാറ റോഡിന് സമീപമുള്ള വാടകവീട്ടിലാണ് മൃതദേഹങ്ങൾ കണ്ടെത്തിയത്. മൃതദേഹങ്ങള് കിടപ്പുമുറിയില് രക്തത്തില് കുളിച്ച നിലയിലായിരുന്നു. രാത്രിയില് ദമ്പതികള് തമ്മിലുള്ള വഴക്ക് കേട്ടിരുന്നതായും രാവിലെ വിളിച്ചപ്പോള് ഫോണില് കിട്ടിയില്ലെന്നും അയല്വാസികള് പറയുന്നു.
രണ്ടര വയസ്സുള്ള മകനും ഇവര്ക്കൊപ്പം വീട്ടില് ഉണ്ടായിരുന്നു. ഉറക്കമുണര്ന്ന് കുട്ടി കരയുന്നതു കേട്ടാണ് വീട്ടുടമസ്ഥര് ദമ്പതിമാരെ ഫോണില് ബന്ധപ്പെടാന് ശ്രമിച്ചത്. ലഭിക്കാതായപ്പോള് നടത്തിയ പരിശോധനയിലാണ് ഇരുവരെയും മരിച്ച നിലയില് കണ്ടെത്തിയത്. ഇവർക്ക് സാമ്പത്തിക ബാധ്യത ഉണ്ടായിരുന്നതായി പറയപ്പെടുന്നു.
0 Comments