നക്ഷത്രഫലം 2024 ഒക്ടോബർ 27 മുതൽ നവംബർ 02 വരെ.

നക്ഷത്രഫലം 2024 ഒക്ടോബർ 27 മുതൽ നവംബർ 02 വരെ.

സജീവ് ശാസ്‌താരം

കോട്ടയം: സജീവ് ശാസ്താരം

കഴിഞ്ഞ രണ്ട് പതിറ്റാണ്ടുകളിൽ ഏറെയായി മുഖ്യധാര മാധ്യമങ്ങളിലും ടിവി ചാനലുകളിലും ജ്യോതിഷ സംബന്ധമായ വിഷയങ്ങൾ കൈകാര്യം ചെയ്യുന്ന ജ്യോതിഷ പണ്ഡിതനാണ്. ചങ്ങനാശേരി പെരുന്നയിൽ ഇദ്ദേഹത്തിൻ്റെ ജ്യോതിഷാലയം പ്രവർത്തിക്കുന്നുണ്ട്. ഫോൺ: 9656377700

🟥അശ്വതി: രോഗബാധിതർക്ക്  ആശ്വാസം. ജീവിതപങ്കാളിയിൽ നിന്ന് എല്ലാക്കാര്യങ്ങളിലും ഉറച്ച പിന്തുണ. പ്രണയബന്ധിതര്‍ക്ക് മുതിർന്നവരിൽ നിന്നുള്ള എതിർപ്പുകൾ നേരിടും,  വീണ്ടുവിചാരമില്ലാതെ പ്രവർത്തിക്കും, വിദേശത്തു നിന്നും നാട്ടിൽ  തിരികെയെത്തിയവർക്ക് പുതിയ ജോലികൾ ലഭിക്കും, മനസിനെ വിഷമിപ്പിച്ചിരുന്ന പ്രശ്നങ്ങളിൽ നിന്നു മോചനം.

🟥ഭരണി: ദീർഘ ദൂരയാത്രകൾ  വേണ്ടിവരും. വിവാഹം ആലോചിക്കുന്നവര്‍ക്ക് അനുകൂല ഫലം. സ്വന്തമായി ബിസിനസ് നടത്തുന്നവര്‍ക്ക് മികച്ച ലാഭം. പണച്ചെലവ് അധികരിക്കും. രോഗദുരിതങ്ങളില് വിഷമിക്കുന്നവര്‍ക്ക് ആശ്വാസം. ഭക്ഷണസുഖം ലഭിക്കും, വാഹനങ്ങൾ കൈകാര്യം ചെയ്യുമ്പോൾ  ശ്രദ്ധിക്കുക. 

🟥കാർത്തിക: മനസ്സിൽ നിരാശ വര്‍ദ്ധിക്കും. സുഹൃത്തുക്കളിൽ നിന്നുള്ള സഹായം കുറയും. സ്വകാര്യ സ്ഥാപനങ്ങളിൽ ജോലി ലഭിക്കും.  വിവാഹാലോചനകളിൽ തീരുമാനമാകും. ഉപഹാരങ്ങൾ ലഭിക്കും. പണമിടപാടുകളിൽ നഷ്ടങ്ങൾ നേരിടാവുന്ന ഏറ്റെടുത്ത പ്രവര്‍ത്തനങ്ങളിൽ വിജയിക്കുവാൻ കഠിനശ്രമം വേണ്ടിവരും.

🟥രോഹിണി: മനസ്സിലെ ആഗ്രഹങ്ങൾ  സാധിക്കും. പണമിടപാടുകളിൽ കൃത്യത പാലിക്കും. മേലുദ്യോഗസ്ഥരുടെ പ്രീതി സമ്പാദിക്കും. ഗൃഹത്തിൽ നവീകരണ പ്രവര്‍ത്തനങ്ങൾ നടക്കും. കുടുംബജീവിതസൗഖ്യം വര്‍ദ്ധിക്കും. വിവാദപരമായ കാര്യങ്ങളിൽ നിന്ന് വിട്ടുനിൽക്കുവാൻ ശ്രദ്ധിക്കുക. 

🟥മകയിരം: പുതിയ വാഹനം വാങ്ങും. കഫജന്യ രോഗങ്ങൾ പിടിപെടാം. ദീര്‍ഘയാത്രകൾ ഒഴിവാക്കുക. പണമിടപാടുകളിലും ശ്രദ്ധിക്കുക. പൈതൃകസ്വത്തിന്‍റെ അനുഭവം ഉണ്ടാകും. കരുതിവെച്ച പണം മറ്റാവശ്യങ്ങള്‍ക്കായി ചെലവഴിക്കും. മുതിര്‍ന്ന ബന്ധുക്കള്‍ക്ക് അനാരോഗ്യം.

🟥തിരുവാതിര: ഏര്‍പ്പെടുന്ന കാര്യങ്ങളിൽ വിജയം. വിദ്യാഭ്യാസപരമായി ഉയര്‍ന്ന വിജയം കൈവരിക്കും. വിദേശത്തു നിന്നു നാട്ടിൽ തിരിച്ചെത്തുവാൻ സാധിക്കും. പൊതുപ്രവര്‍ത്തനങ്ങളിൽ വിജയം. വരവിനൊപ്പം ചെലവുമധികരിക്കും. സന്താനഗുണം വര്‍ദ്ധിക്കും. വാക്കുതര്‍ക്കങ്ങളിലേര്‍പ്പെട്ട് അപമാനമുണ്ടാകും. കര്‍ണ്ണരോഗബാധ.

🟥പുണർതം: ആരോഗ്യപരമായി മെച്ചപ്പെട്ട വാരമായിരിക്കും. പല തരത്തിൽ നിലനിന്നിരുന്ന വൈഷമ്യങ്ങൾക്ക് അയവുണ്ടാകും. ബന്ധുജനസന്ദര്ശനം. ഭൂമിവിൽപ്പന വഴി നേട്ടം. മനസിനിണങ്ങിയ ജീവിതപങ്കാളിയെ ലഭിക്കും. മാതാവിൽ നിന്നോ മാതൃബന്ധുക്കളിൽ നിന്നോ ആനുകൂല്യങ്ങൾ.  ഗൃഹനിർമ്മാണത്തിനുള്ള തീരുമാനം കൈക്കൊള്ളും.

🟥പൂയം: ഉദ്യോഗസ്ഥർക്ക് സ്ഥലം മാറ്റം, ഇഷ്ടസ്ഥാന ലബ്ധി എന്നിവയുണ്ടാകും. പണച്ചെലവുള്ള കാര്യങ്ങളിൽ ഏർപ്പെടും. പൊതുപ്രവർത്തനരംഗത്തു പ്രവർത്തിക്കുന്നവർക്ക് ജനസമ്മിതി. ആരോഗ്യസ്ഥിതി മെച്ചപ്പെടും. വാഹനത്തിനായി പണം മുടക്കേണ്ടി വരും. അടുത്ത ബന്ധുക്കൾക്ക് തൊഴിൽപരമായ  ഉന്നതി.

🟥ആയില്യം: സുഹൃത്തുക്കളുമായി കലഹങ്ങള്‍ക്കു സാധ്യത. മനസ്സിന് ഇഷ്ടപ്പെടാത്ത കാര്യങ്ങളിൽ ഇടപെടേണ്ടിവരും. പണമിടപാടുകളിൽ ചതിവു പറ്റാന് സാധ്യത. അനുകൂലമായി നിന്നിരുന്ന സാഹചര്യങ്ങൾ പ്രതികൂലമാകും.  വിദേശസഞ്ചാത്തിനുള്ള അവസരമുണ്ടാകും, തൊഴില്‍രംഗം മെച്ചപ്പെടും. ഗുണാനുഭവങ്ങൾ ലഭിക്കുവാൻ അല്പം കൂടി കാത്തിരിക്കേണ്ടതായി വന്നേക്കാം.

🟥മകം: അപ്രതീക്ഷിത ധനനഷ്ടം നേരിടും. ലഹരിവസ്തുക്കളിൽ താല്പര്യം വര്‍ദ്ധിക്കും. ബന്ധുജന വിരഹം അനുഭവിക്കും, കഴിയുന്നതും ദീര്‍ഘയാത്രകൾ ഒഴിവാക്കുക, ബന്ധുജന സഹായത്തിനു ശ്രമിച്ചാൽ വിജയിക്കുകയില്ല. കാര്‍ഷിക മേഖലയിൽ പ്രവര്‍ത്തിക്കുന്നവര്‍ക്ക് അവിചാരിത നഷ്ടം.

🟥പൂരം :സുഹൃത്തുക്കളിൽ നിന്നുള്ള  സഹായം ലഭിക്കും. ദേഹസുഖക്കുറവ് അനുഭവപ്പെടും, സര്‍ക്കാർ ജീവനക്കാര്‍ക്ക് പ്രമോഷൻ ലഭിക്കും. ഇന്‍റര്‍വ്യൂവിൽ നേട്ടം കൈവരിക്കും. പുതിയ ജോലി ലഭിക്കുവാൻ സാധ്യത. പ്രേമബന്ധങ്ങളിൽ ഏര്‍പ്പെട്ടിരിക്കുന്നവര്‍ക്ക് അംഗീകാരം ലഭിക്കും. സന്താനഗുണമനുഭവിക്കും.

🟥ഉത്രം: അടുത്ത സുഹൃത്തുക്കളുടെ  ഇടപെടൽ മൂലം അപകടങ്ങളിൽ നിന്നു രക്ഷ നേടും. നഷ്ടപ്പെട്ടെന്നു കരുതിയിരുന്ന വസ്തുക്കൾ തിരികെ ലഭിക്കും. വാസസ്ഥാനത്തിനു മാറ്റം സംഭവിക്കാം. ഉദ്യോഗസ്ഥര്‍ക്ക് സ്ഥലം മാറ്റം, ഇഷ്ടസ്ഥാനലബ്ധി എന്നിവയുണ്ടാകും. പണച്ചെലവുള്ള കാര്യങ്ങളിൽ ഏര്‍പ്പെടും. പൊതുപ്രവര്‍ത്തന രംഗത്തു പ്രവര്‍ത്തിക്കുന്നവര്‍ക്ക് ജനസമ്മിതി

🟥അത്തം: ആരോഗ്യസ്ഥിതി മെച്ചപ്പെടും. വാഹനത്തിനായി പണം മുടക്കേണ്ടി വരും. സഞ്ചാരക്ലേശം വര്‍ദ്ധിക്കും.  വിദേശയാത്രയ്ക്കുള്ള ശ്രമങ്ങൾ വിജയം കൈവരിക്കും. ഇന്‍ഷുറന്‍സ്, ചിട്ടി എന്നിവയിൽ നിന്നു ധനലാഭത്തിനു സാധ്യത. മത്സരപ്പരീക്ഷ, ഇന്‍റര്‍വ്യൂ ഇവയിൽ വിജയിക്കും. ആഡംബര വസ്തുക്കള്‍ക്കു പണം മുടക്കും.

🟥ചിത്തിര: രാഷ്ട്രീയരംഗത്തു പ്രവര്‍ത്തിക്കുന്നവര്‍ക്ക് എതിര്‍പ്പുകൾ നേരിടേണ്ടിവരും. സഞ്ചാരക്ലേശം വര്‍ദ്ധിക്കും. ഭൂമിവിൽപ്പന വഴി ധനം സമ്പാദിക്കുവാൻ യോഗം. ലഹരിവസ്തുക്കളിൽ അധിക താത്പര്യം കൊടുക്കാതിരിക്കുക. കേസ്, വ്യവഹാരങ്ങൾ എന്നിവയ്ക്ക് സാധ്യത. കുടുംബത്തിലെ മുതിര്‍ന്ന അംഗത്തിന് രോഗാരിഷ്ടത ഉണ്ടാകാനും സാധ്യത കാണുന്നു.

🟥ചോതി: അനുകൂല ഫലങ്ങൾ ലഭിക്കുവാൻ സാധ്യതയുള്ള വാരമാണ്.  ധനലാഭമുണ്ടാകും. ഭക്ഷണസുഖം വര്‍ദ്ധിക്കും. കടങ്ങൾ വീട്ടുവാർ സാധിക്കും. മനസിനിണങ്ങിയ ജീവിതപങ്കാളിയെ ലഭിക്കും. അനവസരത്തിൽ അന്യർ ഇടപെടുന്നതു മൂലം കുടുംബത്തിൽ ചില്ലറ പ്രശ്നങ്ങളുണ്ടാകാം. സന്താനങ്ങള്‍ക്ക് ഉന്നമനമുണ്ടാകും. നേത്രരോഗ സാധ്യത.

🟥വിശാഖം: തൊഴിലന്വേഷകര്‍ക്ക് അനുകൂല ഫലം, സഹായികളിൽ നിന്നുള്ള ഇടപെടൽ വഴി പെട്ടെന്നുള്ള കാര്യസാധ്യം. വിവാഹാലോചകൾ തീരുമാനത്തിലെത്തും. കടങ്ങൾ വീട്ടുവാനും പണയ ഉരുപ്പടികൾ തിരിച്ചെടുക്കുവാനും സാധിക്കും. സഹോദരങ്ങള്‍ക്കു വേണ്ടി പണം ചെലവഴിക്കേണ്ടി വരും. വ്യവഹാരങ്ങളിൽ വിജയം നേടും.

🟥അനിഴം: അടുത്ത സുഹൃത്തുക്കൾക്ക് അപകട സാദ്ധ്യത. ഇരുചക്ര വാഹനമോടിക്കുന്നവര്‍ അധികശ്രദ്ധ പുലർത്തുക, വാഹനത്തിന് അറ്റകുറ്റപ്പണികള്‍ക്കു സാധ്യത. ദാമ്പത്യപരമായി നിലനിന്നിരുന്ന തര്‍ക്കങ്ങൾ പരിഹൃതമാകും.  തടസ്സങ്ങൾ തരണം ചെയ്യുവാൻ സാധിക്കും. പെരുമാറ്റത്തിൽ കൃത്രിമത്വം കലര്‍ത്തി വിരോധം സമ്പാദിക്കും.

🟥തൃക്കേട്ട: ബന്ധുജനഗുണം വര്‍ദ്ധിക്കും. പൊതുപ്രവര്‍ത്തകര്‍ക്ക് ജനസമ്മിതി വര്‍ദ്ധിക്കും. ഇരുചക്ര വാഹനം വാങ്ങും. വ്യവഹാര വിജയം പ്രതീക്ഷിക്കാം. സ്വജനങ്ങളിൽ ആര്‍ക്കെങ്കിലും ഉന്നതസ്ഥാനലബ്ധി. പ്രശ്നപരിഹാരത്തിനായി മറ്റുള്ളവരുടെ സഹായം തേടേണ്ടി വരും. സകുടുംബം വിനോദപരിപാടികളിൽ സംബന്ധിക്കും.

 🟥മൂലം: വ്യാപാരം, മറ്റു ബിസിനസ് എന്നിവയിൽ ഏര്‍പ്പെട്ടിരിക്കുന്നവര്‍ക്ക് സാമ്പത്തിക വിഷമമുണ്ടാകും. ഒന്നിലധികം തവണ ദീര്‍ഘയാത്രകൾ വേണ്ടിവരും. വിജയം ഉറപ്പാക്കിയിരുന്ന പദ്ധതികളിൽ തിരിച്ചടികൾ നേരിടും. ഇഷ്ടജനങ്ങള്‍ക്ക് തൊഴില്‍പരമായി മാറ്റം, അന്യദേശവാസം, പുണ്യസ്ഥല സന്ദര്‍ശനം എന്നിവയുണ്ടാകും.

 

🟥പൂരാടം: സ്വദേശം വിട്ട് യാത്ര ചെയ്യേണ്ടിവരും. സ്വന്തം ബിസിനസിൽ മികച്ച നേട്ടം. അനാവശ്യ ഭീതികളിൽ നിന്ന് മോചനം. വാഹനയാത്രകൾ കൂടുതലായി വേണ്ടിവരും. ഔദ്യോഗിക രംഗത്ത് ഉയർച്ച, സ്ഥലംമാറ്റം എന്നിവയ്ക്കു സാധ്യത. പുതിയ വസ്ത്രം ഉപഹാരമായി ലഭിക്കും. 

🟥ഉത്രാടം: കർമ്മരംഗം പുഷ്ടിപ്പെടും. പൊതുപ്രവർത്തനവിജയം നേടും. കുടുംബത്തിൽ നിലനിന്നിരുന്ന കലുഷിതാന്തരീക്ഷം ശമിക്കും. വിദേശയാത്രയ്ക്കുള്ളു ശ്രമം വിജയിക്കും. ചിട്ടി, ഭാഗ്യക്കുറി എന്നിവയിൽ നിന്ന് നേട്ടം. ക്ഷേത്രദർശനം, പുണ്യസ്ഥല സന്ദർശനം ഇവ നടത്തും. കുടുംബത്തിൽ ശാന്തതയുണ്ടാകും.

 

🟥തിരുവോണം: രോഗദുരിതങ്ങളിൽ നിന്ന് മോചനം. പുതിയ ഗൃഹോപകരണങ്ങൾ വാങ്ങും. സ്വന്ത പ്രയത്നം കൊണ്ട് തടസ്സങ്ങൾ തരണം ചെയ്യും. ഭക്ഷണത്തിൽ താല്പര്യമേറും. കഴിവുകൾക്ക് അംഗീകാരം ലഭിക്കും. വാസഗൃഹമാറ്റം ഉണ്ടകാനിടയുണ്ട്. അനീതിക്കെതിരെ പ്രവർത്തിക്കും. ഒന്നിലധികം മാർഗ്ഗങ്ങളിലൂടെ ധനാഗമം.

🟥അവിട്ടം: ഭക്ഷണകാര്യത്തിൽ ശ്രദ്ധ കുറയും. ബന്ധുക്കൾ വഴി  കാര്യസാധ്യം. പ്രണയബന്ധങ്ങൾക്ക് അംഗീകാരം. സ്വന്തം ബിസിനസിൽ അവിചാരിത നേട്ടം. മുമ്പ് കടം നൽകിയിരുന്ന പണം തിരികെ കിട്ടും. ഗൃഹനിർമ്മാണത്തിൽ പുരോഗതി. വാക്കുതർക്കങ്ങളിൽ പരാജയം നേരിടാൻ ഇടയുണ്ട്.

🟥ചതയം: പലതരത്തിലുള്ള സാമ്പത്തിക വിഷമതകൾ  അനുഭവിക്കും. ധനസമ്പാദനത്തിനുള്ള ശ്രമങ്ങൾ പരാജയപ്പെടും. സ്വയം തൊഴിൽ ചെയ്യുന്നവർക്ക് പല തരത്തിലുള്ള ബുദ്ധിമുട്ടുകൾ നേരിടും. ജീവിതപങ്കാളിക്ക് ഏതെങ്കിലും രോഗദുരിതമുണ്ടാകും സാഹിത്യ രംഗത്തു പ്രവർത്തിക്കുന്നവർക്ക്  പ്രശസ്തി ലഭിക്കും

🟥പൂരൂരുട്ടാതി:  ശത്രുക്കൾക്കുമേൽ  വിജയം കൈവരിക്കും. മനസിനു സുഖം നല്കുന്ന വാർത്തകൾ കേൾക്കും. അലസത വെടിഞ്ഞ് മുന്നേറാൻ  സാധിക്കും. അനാവശ്യ വിവാദങ്ങളിൽ ഏർപ്പെട്ട് സമയം പാഴാക്കാതെ ശ്രദ്ധിക്കുക. സന്താനങ്ങളുടെ വിദ്യാഭ്യാസത്തിനായി പണം ചെലവിടും. ഔഷധ സേവയെത്തുടർന്ന്  രോഗശമനം. പുതിയ വീടു വാങ്ങാനുള്ള ശ്രമത്തിൽ വിജയം.

🟥ഉത്രട്ടാതി: സാമ്പത്തികനേട്ടം കൈവരിക്കും. പുതിയ ഗൃഹോപകരണങ്ങൾ വാങ്ങും. ബന്ധുക്കൾ നിമിത്തം നേട്ടം. പൊതുപ്രവർത്തകർക്ക് പ്രശസ്തി വർദ്ധിക്കും. ഏർപ്പെട്ടിരിക്കുന്ന  തൊഴിലിൽ നേട്ടം. ജീവിതസുഖം വർദ്ധിക്കും. തൊഴിൽപരമായ സ്ഥാനക്കയറ്റം, ഇഷ്ടസ്ഥലത്തേക്കു മാറ്റം എന്നിവയുണ്ടാകും. ആരോഗ്യം പുഷ്ടിപ്പെടും.

🟥രേവതി: മുതിർന്നവരിൽ നിന്ന്  ആനുകൂല്യങ്ങൾ ലഭിക്കാം. സാമ്പത്തിക ബാധ്യതകൾ ഒരു പരിധി വരെ കുറയ്ക്കാൻ സാധിക്കും. പുതിയ ജോലിക്കുള്ള പരിശ്രമങ്ങൾ വിജയിക്കും. വ്യവഹാരങ്ങളിൽ  പരാജയം നേരിടാം. പൈതൃകസ്വത്തു ലഭിക്കും. മാനസികമായ അസ്വസ്ഥതകൾ ശമിക്കും. വ്യാധികളിൽ നിന്ന് മോചനം.