കാർ നിയന്ത്രണം വിട്ട് മരത്തിൽ ഇടിച്ച് പ്രവാസിയായ യുവാവ് മരിച്ചു.

കാർ നിയന്ത്രണം വിട്ട് മരത്തിൽ ഇടിച്ച് പ്രവാസിയായ യുവാവ് മരിച്ചു. 

കായംകുളം: കാർ നിയന്ത്രണം വിട്ട് മരത്തിൽ ഇടിച്ച് പ്രവാസിയായ യുവാവ് മരിച്ചു. നൂറനാട് എരുമക്കുഴി വിജിത്ത് ഭവനിൽ വിജിത്ത് (32) ആണ് മരിച്ചത്.

        ഇയാൾ സഞ്ചരിച്ചിരുന്ന കാർ പുലർച്ചെ 12.15ഓടെ തെങ്ങുന്താര ജംഗ്ഷനിൽ നിന്ന പഞ്ഞി മരത്തിൽ ഇടിയ്ക്കുകയായിരുന്നു. അടൂർ ഭാഗത്ത് നിന്നും നൂറനാട്ട് വീട്ടിലേക്ക് പോകുന്ന വഴിയാണ് അപകടം. സൗദിയിൽ പ്ലമ്പർ ആയി ജോലി നോക്കിയിരുന്ന വിജിത്ത് ഒന്നര മാസം മുമ്പാണ് നാട്ടിൽ എത്തിയത്. വിജയൻ, രതി ദമ്പതികളുടെ മകനാണ്. ബിബിൻ സഹോദരനാണ്. 

         അപകടത്തിൽ വാഹനത്തിൽ കൂടെ ഉണ്ടായിരുന്ന 3 പേർ നിസാര പരിക്കുകളോടെ രക്ഷപ്പെട്ടു.