ലോക ക്ലാസിക്ക് ത്രിദിന ഫിലിം ഫെസ്റ്റിവൽ പബ്ലിക് ലൈബ്രറി മിനി തിയേറ്ററിൽ ഡിസംബർ 6 മുതൽ.
കോട്ടയം: വിശ്വസാഹിത്യത്തിലെ പ്രശസ്തമായ അഞ്ചു നോവലുകൾ ആസ്പദമാക്കി മൂന്നു ദിവസം നീളുന്ന ഫിലിം ഫെസ്റ്റിവൽ ആറാം തീയതി കോട്ടയം പബ്ലിക് ലൈബ്രറി
ചിത്രതാര മിനി തീയറ്ററിൽ ആരംഭിക്കും.
വെള്ളിയാഴ്ച വൈകുന്നേരം 5ന് പ്രശസ്ത എഴുത്തുകാരി കെ.ആർ. മീര ഉദ്ഘാടനം ചെയ്യും. പബ്ലിക് ലൈബ്രറി പ്രസിഡന്റ് ഏബ്രഹാം ഇട്ടിച്ചെറിയ അദ്ധ്യക്ഷത വഹിക്കും. ന്യൂ വേവ് ഫിലിം സൊസൈറ്റി പ്രസിഡന്റ് മാത്യൂ ഓരത്തേൽ, കുട്ടികളുടെ ലൈബ്രറി ആൻഡ് ജവഹർ ബാലഭവൻ
എക്സിക്യൂട്ടീവ് ഡയറക്ടർ വി. ജയകുമാർ എന്നിവർ പ്രസംഗിക്കും. തുടർന്ന് 5.30ന് നിരവധി അന്തർദ്ദേശീയ അവാർഡുകൾ നേടിയ തിയറി ഓഫ് എവരി തിംഗ് (ജയിൻ
ഹാക്കിംഗ്) എന്ന ചിത്രം പ്രദർശിപ്പിക്കും. ഏഴാം തീയതി ഉച്ചകഴിഞ്ഞു 2.30ന് അന്ന കരേനിനയും (ലിയോ ടോൾസ്റ്റോയി) 5.30ന് ഓൾഡ് മൻ ആൻഡ് ദ് സീ (ഏണസ്റ്റ് ഹെമിംഗ് വേ) യും പ്രദർശിപ്പിക്കും. എട്ടാം തീയതി ഉച്ചകഴിഞ്ഞ് 2.45ന് പ്രസിഡന്റിന്റെ സ്വർണ്ണമെഡൽ നേടിയ ആദ്യമലയാള സിനിമ ചെമ്മീൻ (തകഴി ശിവശങ്കരപിള്ള) എന്ന ചിത്രവും 5.30ന് ലൗ ഇൻദി ടൈം ഓഫ് കോളറ (ഗബ്രിയേൽ ഗാർഷിയ മാർക്വസ്) എന്ന ചിത്രവും പ്രദർശിപ്പിക്കും.
0 Comments