പാചകവാതക വില വീണ്ടും കൂട്ടി.

പാചകവാതക വില വീണ്ടും കൂട്ടി.

കൊച്ചി: പാചകവാതക സിലിണ്ടര്‍ വില വര്‍ദ്ധിപ്പിച്ചു. വാണിജ്യ സിലിണ്ടര്‍ വില 16 രൂപ 50 പൈസയാണ് വര്‍ദ്ധിപ്പിച്ചത്.

പുതിയ വില ഇന്നു മുതല്‍ പ്രാബല്യത്തിലായി. അതേസമയം, ഗാര്‍ഹിക പാചക വാതക വിലയില്‍ മാറ്റമില്ല.

        തുടര്‍ച്ചായ അഞ്ചാം മാസമാണ് വാണിജ്യ സിലിണ്ടറിൻ്റെ വില വര്‍ദ്ധിപ്പിക്കുന്നത്. അഞ്ച് മാസത്തിനിടെ കൂട്ടിയത് ആകെ 173.50 രൂപയാണ്. കഴിഞ്ഞ നവംബറില്‍ എണ്ണക്കമ്പനികള്‍ വാണിജ്യ സിലിണ്ടറിന് 62 രൂപയാണ് വര്‍ധിപ്പിച്ചത്.

         വില കൂട്ടിയതോടെ, 19 കിലോഗ്രാം വാണിജ്യ സിലിണ്ടറിന്റെ വില സംസ്ഥാനത്ത് 1827 രൂപയായി വര്‍ദ്ധിച്ചു. ഡല്‍ഹിയില്‍ ഗ്യാസ് സിലിണ്ടറിന്റെ വില 1818 രൂപയാണ്. കൊല്‍ക്കത്തയില്‍ 1927 രൂപയും മുംബൈയില്‍ 1771 രൂപയും ചെന്നൈയില്‍ 1980.50 രൂപയുമാണ് വില.