കുമാരനല്ലൂർ ദേവീ ക്ഷേത്രത്തിലെ തിരുവുത്സവത്തിന് കൊടിയേറി.

കുമാരനല്ലൂർ ദേവീ ക്ഷേത്രത്തിലെ തിരുവുത്സവത്തിന് കൊടിയേറി.

കോട്ടയം: കുമാരനല്ലൂർ ദേവീ ക്ഷേത്രത്തിലെ തിരുവുത്സവത്തിന് കൊടിയേറി. ഇന്ന് വൈകുന്നേരം 5.10ന് തന്ത്രിമുഖ്യൻ കടിയക്കോൽ ഇല്ലത്ത് ബ്രഹ്മശ്രീ കെ.എൻ. കൃഷ്‌ണൻ നമ്പൂതിരിയുടെ മുഖ്യ കാർമ്മികത്വത്തിലാണ് തൃക്കൊടിയേറ്റ് നടന്നത്. മധുരഇല്ലം എം.എസ്. കൃഷ്‌ണൻ നമ്പൂതിരി, മേൽശാന്തി മാച്ചിപ്പുറം ശിവൻ വിഷ്‌ണു പ്രസാദ് എന്നിവർ സഹകാർമ്മികത്വം വഹിച്ചു.

       ഇന്ന് 6.30ന് സാംസ്ക്കാരിക സമ്മേളനം നടന്നു. കൺവീനർ അരുൺ കുമാർ പി.കെ. കടന്നക്കുടിയുടെ അദ്ധ്യക്ഷതയിൽ കേന്ദ്രമന്ത്രി ജോർജ്ജ് കുര്യൻ ഉത്ഘാടനം നിർവ്വഹിച്ചു. വി.എൻ. വാസവൻ (ബഹു.കേരള ദേവസ്വം, സഹകരണ വകുപ്പ് മന്ത്രി), തിരുവഞ്ചൂർ രാധാകൃഷ്‌ണൻ എംഎൽഎ, വിഖ്യാത മോഹിനിയാട്ടം കലാകാരി വിനീത നെടുങ്ങാടി, കെ.എ. മുരളി കാഞ്ഞിരക്കാട്ടില്ലം, പ്രശസ്‌ത കർണ്ണാടക സംഗീതജ്ഞ മാതംഗി സത്യമൂർത്തി തുടങ്ങിയവർ പങ്കെടുത്തു. തുടർന്ന് വിനീത നെടുങ്ങാടിയുടെ മോഹിനിയാട്ടം നടന്നു.

        രണ്ടാം ഉത്സവദിവസമായ നാളെ  (06/12/2024 വെള്ളി) 1.30 മുതൽ 2 വരെ ഉത്സവബലിദർശനം, 8.15ന് വേല, വിളക്ക്. പഞ്ചവാദ്യം ക്ഷേത്രവാദ്യശ്രീ കുടമാളൂർ മുരളീധരമാരാർ & പാർട്ടി. മയൂരന്യത്തം കുമാരനല്ലൂർ മണി.

കൊടിക്കീഴിൽ വിളക്ക്. തിരുവരങ്ങിൽ 6.30 മുതൽ 8 വരെ കഥാപ്രസംഗം - വിനോദ് ചമ്പക്കര.

       മൂന്നാം ഉത്സവദിവസമായ 07/12/2024 ശനിയാഴ്ച 8.15 മുതൽ വേല, വിളക്ക്, താലപ്പൊലി 777, 1462, 1791, 3561 എന്നീ എൻഎസ്എസ് കരയോഗങ്ങളുടെ നേതൃത്വത്തിൽ. പഞ്ചവാദ്യം കീഴൂർ മധുസൂദനക്കുറുപ്പ് & പാർട്ടി. വൈകിട്ട് 6.30 മുതൽ സോപാനസംഗീതം ശ്രീഹരി എസ്., കോട്ടയം. തിരുവരങ്ങിൽ 10.30 മുതൽ മുടിയേറ്റ് - കീഴില്ലം ഉണ്ണികൃഷ്നും സംഘവും.

     നാലാം ഉത്സവദിവസമായ (08/12/2024) ഞായറാഴ്ച 2.30 മുതൽ 5.30 വരെ പകലരങ്ങ് കഥകളി. കഥ - കുചേലവൃത്തം. 5.30 മുതൽ 6.30 വരെ ഡോ. അപർണ്ണ നങ്ങ്യാർ അവതരിപ്പിക്കുന്ന നങ്ങ്യാർകൂത്ത്. തിരുവരങ്ങിൽ 7.30 മുതൽ മ്യൂസിക്കൽ ഫ്യൂഷൻ നൈറ്റ് ഗ്രീൻ ബാൻഡ് (തെക്കേ വല്യമ്പലത്തിൽ) ടോപ്പ് സിംഗർ സ്റ്റാർ - റിഫു രാജ്, മൈഥിലി ശ്യാം, ശരത് സാരംഗി തുടങ്ങിയവർ അണിനിരക്കുന്നു.

      അഞ്ചാം ഉത്സവദിനമായ (09/12/2024) തിങ്കളാഴ്ച 8.15 മുതൽ വേല, വിളക്ക്, താലപ്പൊലി, തമിഴ് വിശ്വകർമ്മസമാജം നമ്പർ 54 കുമാരനല്ലൂർ. സേവ, നാദസ്വരം തിരുവൻവണ്ടൂർ അഭിജിത്ത് വാര്യരും സംഘവും. തിരുവരങ്ങിൽ 5.00 മുതൽ ഭക്തിഗാനസുധ എഎംവി ഓർക്കസ്ട്ര, അയ്മനം. 9.30 മുതൽ മേജർസെറ്റ് കഥകളി. പി.എസ്.വി. നാട്യസംഘം, കോട്ടയ്ക്കൽ. കളിവിളക്ക് തെളിയിക്കുന്നത് എസ്.ഡി. സതീശൻ നായർ ബ്യൂറോ ചീഫ്, മാതൃഭൂമി.

       ആറാം ഉത്സവദിനമായ (10/12/2024) ചൊവ്വാഴ്ച 9.30ന് മധുരമീനാക്ഷി ക്ഷേത്ര പുരോഹിതൻ ശിവഗാമകലാനിധി ശിവശ്രീ എസ്.കെ. രാജഭട്ടർ അവർകൾക്ക് സ്വീകരണം. 1.30 മുതൽ 2 വരെ ഉത്സവബലി ദർശനം. തിരുവരങ്ങിൽ 7.30 മുതൽ 9.00 വരെ ഭക്തിഗാനതരംഗിണി ടി.എസ്. രാധാകൃഷ്‌ണജി & പാർട്ടി. 9.30 മുതൽ മേജർസെറ്റ് കഥകളി. കളിവിളക്ക് തെളിയിക്കുന്നത് വിനോദ് നായർ, ചീഫ് ന്യൂസ് എഡിറ്റർ, മലയാള മനോരമ.

      ഏഴാം ഉത്സവദിനമായ (11.12.2024) ബുധനാഴ്ച (അശ്വതി) വാദ്യകലാനിധി പെരുവനം പ്രകാശൻ മാരാരുടെ പ്രമാണത്തിൽ പഞ്ചാരിമേളം. രാവിലെ 8.15 മുതൽ അശ്വതി ആറാട്ട് തിരിച്ചെഴുന്നള്ളിപ്പ്. 12.00ന് അശ്വതി തിരുമുൽക്കാഴ്‌ച. ആദ്യ സമർപ്പണം നടത്തുന്നത് ഡോ. വിനോദ് വിശ്വനാഥൻ, ഭാരത് ഹോസ്‌പിറ്റൽ, കോട്ടയം. 6.00 മുതൽ 8.00 വരെ അശ്വതി ഇരട്ടതായമ്പക പോരൂർ ഉണ്ണികൃഷ്‌ണൻ, ചിറയ്ക്കൽ നിധീഷ്. 8.00 മുതൽ വയലിൻ നാദലയ വിസ്‌മയം സി.എസ്. അനുരൂപും കുമാരി ഗംഗാശശിധരനും ചേർന്ന് അവതരിപ്പിക്കുന്നു. 8.15 മുതൽ വേല, വിളക്ക് (അശ്വതി വിളക്ക്) സേവ, നാഗസ്വരം പട്ടാഴി പ്രഭാത് & പാർട്ടി. 9.45 മുതൽ അശ്വതി വിളക്കിനെഴുന്നള്ളിപ്പ് മേളം വെള്ളൂത്തുരുത്തി ശ്രീലാൽ & പാർട്ടി.

       എട്ടാം ഉത്സവ ദിനമായ വ്യാഴാഴ്ച (12/12/2024- ഭരണി) മഹാപ്രസാദമൂട്ടിനുള്ള സമാരംഭം - ദീപപ്രോജ്വലനം - അരുൺ ആർ.എസ്. (ഐഎഫ്എസ്) ചീഫ് കൺസർവേറ്റർ ഓഫ് ഫോറസ്റ്റ്, ഹൈറേഞ്ച് സർക്കിൾ. ഉത്സവബലിദർശനം. വൈകിട്ട് 5.30 മുതൽ 7.00 വരെ സോപാനസംഗീതം അമ്പലപ്പുഴ വിജയകുമാർ (നടപ്പന്തലിൽ). 7.30 മുതൽ 8.30 വരെ ഭജന- ദുർഗ്ഗ ഭജൻസ്, കുമാരനല്ലൂർ. 8.30 മുതൽ 10 വരെ വേല - ഭരണിവിളക്ക് - മീനപ്പൂര പൊന്നാനദർശനം. ഭരണിമേളം - ചൊവ്വല്ലൂർ മോഹനന്റെ പ്രമാണത്തിൽ. തിരുവരങ്ങിൽ 4.30 മുതൽ 5.30 വരെ മതപ്രഭാഷണം - സതീഷ് ഒ.എസ്. 6.30 മുതൽ  7.30 വരെ സംഗീതസദസ്സ് - ഡോ. സ്‌മിത എം പിഷാരടി. 8.30 മുതൽ ഫ്യൂഷൻ -മ്യൂസിക് ബാൻഡ്, തിരുവനന്തപുരം.

        ഒൻപതാം ഉത്സവദിവസമായ വെള്ളിയാഴ്ച (13/12/2026, തൃക്കാർത്തിക) വെളുപ്പിന് 2.30 മുതൽ തൃക്കാർത്തിക ദർശനം. 3.30 മുതൽ മാനസജപലഹരി - കോഴിക്കോട് പ്രശാന്ത് വർമ്മയും സംഘവും. തൃക്കാർത്തിക ആറാട്ട് എഴുന്നള്ളിപ്പ്. ആറാട്ട് തിരിച്ചെഴുന്നള്ളിപ്പ് - പാണ്ടിമേളം ചൊവ്വല്ലൂർ മോഹനൻ്റെ പ്രമാണത്തിൽ. മഹാപ്രസാദമൂട്ട് 10 മുതൽ ദേവി വിലാസം എൽപി സ്‌കൂളിൽ. പ്രസാദസമർപ്പണം ഡോ. ലക്ഷ്‌മിപതി ദിനമലർ. വൈകുന്നേരം 5.30ന് തൃക്കാർത്തിക ദേശവിളക്ക് എഴുന്നള്ളിപ്പ്. തൃക്കാർത്തിക ദേശവിളക്ക് ദീപപ്രോജ്വലനം - ഡോ. ടി.കെ. ജയകുമാർ (പ്രശസ്‌ത കാർഡിയോ തൊറാസിക് സർജൻ, മെഡിക്കൽ കോളജ്, കോട്ടയം), സേവ, നാദസ്വരം - നാഗസ്വര കലാനിധി നാദലയജ്യോതി മരുത്തോർവട്ടം ബാബുവും സംഘവും. 7.30 മുതൽ 9.00 വരെ വേല, വിളക്ക്. മീനപ്പൂര പൊന്നാനദർശനം, വലിയകാണിക്ക. രാത്രി 11.30 മുതൽ ത്യക്കാർത്തിക പള്ളിവേട്ട എഴുന്നള്ളിപ്പ്. തിരുവരങ്ങിൽ രാവിലെ 7.30 മുതൽ തൃക്കാർത്തിക സംഗീതോത്സവം. വൈകിട്ട് 7.30 മുതൽ 9.30 വരെ തൃക്കാർത്തിക സംഗീതസദസ്സ് - എസ്.കെ. മഹതി. നൃത്തനൃത്ത്യങ്ങൾ.

      ആറാട്ട് ദിവസമായ ശനിയാഴ്ച (14/12/2024) 12.30 മുതൽ ആറാട്ട് ബലി. തുടർന്ന് നട്ടാശ്ശേരി ഇടത്തിൽ മണപ്പുറത്തേക്ക് ആറാട്ട് എഴുന്നള്ളിപ്പ്. തിരുവരങ്ങിൽ 7.30 മുതൽ 9.00 വരെ ആറാട്ട് കച്ചേരി പ്രശസ്‌ത കർണാടക സംഗീതജ്ഞ മാതംഗി സത്യമൂർത്തി. 9.00 മുതൽ നൃത്തനൃത്ത്യങ്ങൾ. 10.30 മുതൽ തിരുവനന്തപുരം അവന്തികയുടെ ബാലെ - ശൂർപ്പണഖ. വെളുപ്പിന് 4ന് കൊടിയിറക്ക്.