തമിഴ്നാട്ടിൽ ആറ് ദിവസം അവധി.

തമിഴ്നാട്ടിൽ ആറ് ദിവസം അവധി.

ചെന്നൈ: പൊങ്കലിനോടനുബന്ധിച്ച്‌ ജനുവരി 17നും കൂടി തമിഴ്നാട്ടില്‍ പൊതു അവധി പ്രഖ്യാപിച്ച്‌ സർക്കാർ. ജനുവരി 14നും 19നും ഇടയിലെ മറ്റെല്ലാ ദിവസങ്ങളും അവധി ആയതിനാല്‍, വിദ്യാർത്ഥികള്‍ക്കും ജീവനക്കാർക്കും നാട്ടിലേക്ക് പോകാനും മറ്റും സൌകര്യം നല്‍കുന്നതിനായാണ് 17നും കൂടി അവധി നല്‍കുന്നതെന്നാണ് വിശദീകരണം.

         ജനുവരി 14നാണ് പരമ്പരാഗത വിളവെടുപ്പ് ഉത്സവമായ പൊങ്കല്‍. ജനുവരി 15ന് തിരുവള്ളുവർ ദിനവും 16ന് ഉഴവർ തിരുനാളുമാണ്. 18 ശനിയും 19 ഞായറുമാണ്. ഇതോടെയാണ് ഇടയ്ക്കുള്ള 17 കൂടി അവധി പ്രഖ്യാപിച്ചത്. സ്കൂള്‍, കോളജ് ഉള്‍പ്പെടെ എല്ലാ വിദ്യാഭ്യാസ സ്ഥാപനങ്ങള്‍ക്കും സർക്കാർ ഓഫീസുകള്‍ക്കും അവധി ബാധകമാണ്. ജനുവരി 17ലെ അവധിക്ക് പകരം ജനുവരി 25 പ്രവൃത്തി ദിനമായിരിക്കും.