മയക്കുമരുന്ന് വില്പന നടത്തിയിരുന്ന'ബുള്ളറ്റ് റാണി' പിടിയിൽ.

മയക്കുമരുന്ന് വില്പന നടത്തിയിരുന്ന

'ബുള്ളറ്റ് റാണി' പിടിയിൽ.

കണ്ണൂർ: ബുള്ളറ്റിൽ സഞ്ചരിച്ച് മയക്കുമരുന്ന് വില്പന നടത്തിയിരുന്ന പയ്യന്നൂരിലെ 'ബുള്ളറ്റ് റാണി' എന്നറിയപ്പെടുന്ന യുവതി പിടിയിൽ. നാല് ഗ്രാം മെത്താഫിറ്റമിനുമായാണ് കണ്ടങ്കാളി മുല്ലക്കൊടിയിലെ സി. നിഖില പിടിയിലായത്. നേരത്തെ 2 കിലോ കഞ്ചാവുമായി ഇവർ പിടിയിലായിരുന്നു.

         മയക്കുമരുന്ന് വിൽപ്പനയെക്കുറിച്ചുള്ള രഹസ്യ വിവരത്തെ തുടർന്ന് എക്സൈസ് നടത്തിയ പരിശോധനയ്ക്കിടെയാണ് യുവതിയിൽ നിന്ന് മയക്കുമരുന്ന് കണ്ടെത്തിയത്. വീട്ടിൽ നടത്തിയ പരിശോധനയിലാണ് ലഹരിമരുന്ന് കണ്ടെത്തിയത്. മുറിയിലുണ്ടായിരുന്ന ബാഗിൽ നിന്നാണ് ലഹരി മരുന്ന് കണ്ടെത്തിയത്.