പ്ലാസ്റ്റിക്ക് കണിക്കൊന്നപ്പൂവിൻ്റെ ഉപയോഗം; തദ്ദേശ സ്ഥാപനങ്ങള്‍ക്ക് നോട്ടീസയച്ച് മനുഷ്യാവകാശ കമ്മീഷന്‍.
തിരു.: വിഷുവിനോടനുബന്ധിച്ച് സംസ്ഥാനത്ത് വ്യാപകമായി വിറ്റഴിക്കപ്പെട്ട പ്ലാസ്റ്റിക് കണിക്കൊന്നപ്പൂവിൻ്റെ ഉപയോഗത്തില്‍ മനുഷ്യാവകാശ കമ്മീഷന്‍ കേസെടുത്തു.
കൊന്നപ്പൂക്കളുടെ ലഭ്യത കുറഞ്ഞതോടെയാണ് വിപണിയില്‍ പ്ലാസ്റ്റിക് കൊന്നപ്പൂക്കള്‍ ഇടംപിടിക്കാന്‍ തുടങ്ങിയത്. നഗരങ്ങളില്‍ താമസിക്കുന്നവര്‍ക്കും ഏറെ സുലഭമായി ലഭിക്കുന്ന ഈ പ്ലാസ്റ്റിക് പൂക്കള്‍ മുന്‍ വര്‍ഷങ്ങളിലും വിപണിയില്‍ എത്തിയിരുന്നു. എന്നാല്‍, ഈ വിഷുക്കാലത്ത് സംസ്ഥാനത്ത് വ്യാപകമായി പ്ലാസ്റ്റിക് കണിക്കൊന്നപ്പൂവ് ഉപയോഗിച്ചുവെന്നത് ചൂണ്ടിക്കാട്ടിയാണ് മനുഷ്യാവകാശ കമ്മീഷന്‍ നടപടി സ്വീകരിച്ചത്. സംഭവത്തില്‍ തദ്ദേശസ്ഥാപനങ്ങള്‍ക്ക് കമ്മീഷന്‍ നോട്ടീസയച്ചിട്ടുണ്ട്. മെയ് മാസത്തിലെ സിറ്റിങ്ങില്‍ കേസ് പരിഗണിക്കുമെന്നാണ് വിവരം.
0 Comments