ഗൂഗിള്‍ മാപ്പ് നോക്കി പോയ കാർ, പാലം കടക്കുന്നതിനിടെ പുഴയില്‍ ഒഴുകിപ്പോയി.
കണ്ണൂർ: ഗൂഗിള്‍ മാപ്പ് നോക്കി പോയ കാർ, പാലം കടക്കുന്നതിനിടെ പയ്യന്നൂർ കാനായി വണ്ണാത്തിപ്പുഴയില്‍ ഒഴുകിപ്പോയി. കാറിലുണ്ടായിരുന്ന യാത്രക്കാരെ നാട്ടുകാർ രക്ഷിച്ചു.
ഇന്നലെ രാത്രി പത്തുമണിയോടെ ആണ് സംഭവം. കാനായി തോട്ടംകടവ് കഴിഞ്ഞ് മുക്കൂട് പാലം കടക്കുമ്പോഴാണ് കാർ ഒഴുകിപ്പോയത്. നേരെ വെള്ളത്തിലേക്ക് വീണ കാറിൽ നിന്ന് ഭയന്ന് പുഴയില്‍ ചാടിയ മൂന്നു പേരെ നാട്ടുകാർ രക്ഷിച്ചു. പാലത്തിനു മുകളിലൂടെയുള്ള വെള്ളത്തിന്റെ കുത്തൊഴുക്ക് മനസിലാക്കാതെ വണ്ടിയിറക്കിയതാണ് അപകട കാരണമെന്ന് നാട്ടുകാർ പറഞ്ഞു. കാറിലുണ്ടായിരുന്ന തൃക്കരിപ്പൂർ ഉടുമ്പുംതല സ്വദേശികളായ ഹുസൈൻ, മുഹമ്മദ് കുഞ്ഞി, ഹാരിസ് എന്നിവരെയാണ് നാട്ടുകാർ ചേർന്ന് അദ്ഭുതകരമായി രക്ഷപ്പെടുത്തിയത്.
0 Comments