ശ്രീനഗറില്‍ നിന്നും കത്രയിലേക്കുള്ള ആദ്യ വന്ദേഭാരത് സർവീസിൻ്റെ ഉത്ഘാഘാടനം ഇന്ന്.

ശ്രീനഗറില്‍ നിന്നും കത്രയിലേക്കുള്ള ആദ്യ വന്ദേഭാരത് സർവീസിൻ്റെ ഉത്ഘാഘാടനം ഇന്ന്.

ശ്രീനഗർ: ജമ്മു കാശ്മീരിലെ ശ്രീനഗറില്‍ നിന്നും കത്രയിലേക്കുള്ള ആദ്യ വന്ദേഭാരത് സർവീസ് ഇന്ന് പ്രധാനമന്ത്രി നരേന്ദ്രമോദി ഉദ്ഘാടനം ചെയ്യും. നിലവില്‍ റോഡ് മാർഗ്ഗം ആറ് മണിക്കൂറിലധികം വരുന്ന യാത്ര വന്ദേഭാരത് ട്രെയിനില്‍ മൂന്ന് മണിക്കൂർ മാത്രം മതി. ചെനാബ് റെയില്‍വെ പാലവും അഞ്‌ജി ഖാദ് റെയില്‍വെ പാലവും ഉള്‍പ്പെടുന്ന 272 കിലോമീറ്റർ വരുന്ന റൂട്ടാണിത്.

       ഉദ്ധംപൂർ - ശ്രീനഗർ - ബാരമുളള റെയില്‍വെ ലിങ്ക് പ്രോജക്ടിന്റെ ഭാഗമാണ് റൂട്ട്. പ്രധാനമന്ത്രി നരേന്ദ്ര മോദി രാവിലെ 11.45 ന് ജമ്മുവിലെ ശ്രീ മാതാ വൈഷ്ണോ ദേവി കത്ര സ്റ്റേഷനില്‍ ആദ്യ ട്രെയിൻ ഫ്ലാഗ് ഓഫ് ചെയ്യും.

        സംസ്ഥാനത്ത് 46,000 കോടി രൂപയുടെ വികസന പദ്ധതികളും മോദി ഉദ്ഘാടനം ചെയ്യും. എല്ലാ കാലാവസ്ഥയിലും ഓടാവുന്ന സംവിധാനങ്ങള്‍ ഉള്ള പ്രത്യേക വന്ദേഭാരത് ട്രെയിനുകള്‍ ആണ് അവതരിപ്പിക്കുന്നത്. ഇതിലൂടെ ടൂറിസം മേഖലയില്‍ അടക്കം വലിയ കുതിപ്പ് ഉണ്ടാകും എന്നാണ് പ്രതീക്ഷ.