ചലച്ചിത്ര സംവിധായകൻ നിസാർ അബ്ദുൽ ഖാദർ അന്തരിച്ചു.

ചലച്ചിത്ര സംവിധായകൻ നിസാർ അബ്ദുൽ ഖാദർ അന്തരിച്ചു. 

ചങ്ങനാശേരി: ചലച്ചിത്ര സംവിധായകൻ നിസാർ അബ്ദുൽ ഖാദർ (65) അന്തരിച്ചു. ചങ്ങനാശ്ശേരി തൃക്കൊടിത്താനം പുലിക്കോട്ടുപടി പരേതനായ അബ്ദുൽ ഖാദർ മകനാണ്. കബറടക്കം നാളെ ചങ്ങനാശ്ശേരി പഴയ പള്ളി ഖബർസ്ഥാനിൽ നടക്കും. കരൾ ശ്വാസകോശ സംബന്ധമായ അസുഖത്തെ തുടർന്ന് ചികിത്സയിലായിരുന്നു. മൃതദേഹം ആശുപത്രിയിൽ നിന്ന് വലിയകുളത്തുള്ള മകളുടെ വസതിയിൽ എത്തിക്കും.

         ചുരുങ്ങിയ ദിവസങ്ങൾ കൊണ്ട് ചെലവ് കുറഞ്ഞ സിനിമകൾ സംവിധാനം ചെയ്ത് ഹിറ്റ് ആക്കിയ സംവിധായകൻ ആണ് നിസാർ. സുദിനം (1994), ത്രീ മെൻ ആർമി (1995), അച്ഛൻ രാജാവ് അപ്പൻ ജേതാവ് (1995), മലയാള മാസം ചിങ്ങം ഒന്നിന് (1996), പടനായകൻ (1996), നന്ദഗോപലന്റെ കുസൃതികൾ (1996), ന്യൂസ്പേപ്പർ ബോയ് (1997), അടുക്കളരഹസ്യം അങ്ങാടിപ്പാട്ട് (1998), ബ്രിട്ടീഷ് മാർക്കറ്റ് (1998), ക്യാപ്റ്റൻ (1999), ജനനായകൻ (1999), ഓട്ടോ ബ്രദേഴ്സ് (1999), മേരാം നാം ജോക്കർ (2000), അപരൻമാർ നഗരത്തിൽ (2001), ഗോവ (2001), ഡ്യൂപ്പ് ഡ്യൂപ്പ് ഡ്യൂപ്പ് (2001), കായംകുളം കണാരൻ (2002), ജഗതി ജഗദീഷ് ഇൻ ടൗൺ (2002), താളമേളം (2004), ബുള്ളറ്റ്(2008), ഡാൻസ് ഡാൻസ് ഡാൻസ് (2017), ആറു വിരലുകൾ (2017), ടൂ ഡേയ്സ് (2018), ലാഫിംങ് അപ്പാർട്ട്മെന്റ് നിയർ ഗിരിനഗർ (2018) എന്നിവയാണ് സിനിമകൾ.