ജീപ്പിൽ നിന്നും തോക്ക് വലിച്ചെറിഞ്ഞ് വാഹനം നിർത്താതെ പോയി.
ഇടുക്കി: പൊലീസ് പിൻ തുടർന്ന ജീപ്പിൽ നിന്നും തോക്ക് വലിച്ചെറിഞ്ഞ് വാഹനം നിർത്താതെ പോയി. കൊക്കയാർ, വെംബ്ലിയിൽ വ്യാഴാഴ്ച പുലർച്ചെ 1.15ഓടെയാണ് സംഭവം. രാത്രികാല പട്രോളിങ്ങിനിടെ പെരുവന്താനം പൊലീസാണ് സംശയാസ്പദമായ രീതിയിൽ കണ്ട പിക്ക് അപ് ജീപ്പിനെ പിൻതുടർന്നത്. വെംബ്ലി ഭാഗത്ത് എത്തിയതോടെ ജീപ്പിൽ നിന്നും നാടൻ തോക്ക് പുുറത്തേക്ക് വലിച്ചെറിയുകയായിരുന്നു. പൊലീസ് തോക്ക് കസ്റ്റഡിയിലെടുത്തു. തൊടുപുഴ സ്വദേശിയുടേതാണ് വാഹനമെന്ന് തിരിച്ചറിഞ്ഞിട്ടുണ്ട്. എസ്ഐ സതീശൻ,
സിപിഒ അശോകൻ, ഡ്രൈവർ തോമസ് എന്നിവരായിരുന്നു പട്രോളിങ് സംഘത്തിൽ ഉണ്ടായിരുന്നത്. വിദഗ്ധ പരിശോനയ്ക്കായി തോക്ക് ഇടുക്കി എആർ. ക്യാമ്പിലേയ്ക്ക് മാറ്റി. പെരുവന്താനം പോലീസ് കേസ് രജിസ്റ്റർ ചെയ്ത അന്വേഷണം ആരംഭിച്ചു.
0 Comments