ത്രിതല പഞ്ചായത്തുകളിൽ പ്രസിഡന്റ്‌ തെരഞ്ഞെടുപ്പ്‌ ഇന്ന്‌.

ത്രിതല പഞ്ചായത്തുകളിൽ പ്രസിഡന്റ്‌ തെരഞ്ഞെടുപ്പ്‌ ഇന്ന്‌. 

തിരു.: സംസ്ഥാനത്തെ ത്രിതല പഞ്ചായത്തുകളിൽ അദ്ധ്യക്ഷ തെരഞ്ഞെടുപ്പ് ഇന്ന് നടക്കും. പ്രസിഡൻ്റ് തെരഞ്ഞെടുപ്പ് രാവിലെ 10.30നും വൈസ് പ്രസിഡന്റ് തെരഞ്ഞെടുപ്പ് ഉച്ചകഴിഞ്ഞ് 2.30നുമാണ്. 

       ഒന്നിലധികം സ്ഥാനാർത്ഥികളുണ്ടെങ്കിൽ ഓപ്പൺ ബാലറ്റിലൂടെയാകും വോട്ടെടുപ്പ്. രണ്ട് സ്ഥാനാർത്ഥികൾക്ക് തുല്യ വോട്ടാണെങ്കിൽ നറുക്കെടുക്കും. രണ്ടിലധികം പേർ മത്സരിക്കുമ്പോൾ, മറ്റെല്ലാ സ്ഥാനാർത്ഥികൾക്കുമായി കിട്ടിയ ആകെ വോട്ടിനെക്കാൾ കൂടുതൽ വോട്ട് ലഭിച്ചയാൾ വിജയിയാകും. ഇത്തരത്തിൽ ലഭിക്കാതിരുന്നാൽ കുറവ് വോട്ട് ലഭിച്ചയാളെ ഒഴിവാക്കി വീണ്ടും വോട്ടെടുക്കും.

       തിരുവനന്തപുരം, കൊല്ലം, പത്തനംതിട്ട, ഇടുക്കി, തൃശൂർ, കോഴിക്കോട്, വയനാട് ജില്ലാ പഞ്ചായത്തുകളിൽ പ്രസിഡന്റ് സ്ഥാനം വനിതാസംവരണമാണ്. എറണാകുളത്ത് പട്ടികജാതി സംവരണവും. 152 ബ്ലോക്ക് പഞ്ചായത്തുകളിൽ 67 ഇടത്തും 941 ഗ്രാമപഞ്ചായത്തുകളിൽ 417 ഇടത്തും പ്രസിഡന്റ് സ്ഥാനം വനിതകൾക്കാണ്.