തിരു.: ബിജെപി കോര്പ്പറേഷന് ഭരണം ഏറ്റെടുത്തതിന് പിന്നാലെ പ്രധാനമന്ത്രി നരേന്ദ്ര മോദി ഈ മാസം 23ന് തലസ്ഥാനത്തെത്തും. നഗരത്തിന്റെ സമഗ്രമായ വികസന രേഖയുടെ ഔദ്യോഗിക പ്രഖ്യാപനമാണ് പ്രധാനമന്ത്രിയുടെ സന്ദര്ശനത്തിന്റെ മുഖ്യ ആകര്ഷണം.
തിരുവനന്തപുരം കോര്പ്പറേഷന് ഭരണം ജനം ബിജെപിക്ക് നല്കിയാല് 45 ദിവസത്തിനുള്ളില് പ്രധാനമന്ത്രി നഗരത്തിലെത്തുമെന്ന് ബിജെപി സംസ്ഥാന അദ്ധ്യക്ഷന് രാജീവ് ചന്ദ്രശേഖര് നേരത്തെ പ്രഖ്യാപിച്ചിരുന്നു. ആ വാഗ്ദാനം പാലിച്ചു കൊണ്ടാണ് വികസന രേഖാ പ്രഖ്യാപനത്തിനായി പ്രധാനമന്ത്രിയുടെ വരവ്.
ചടങ്ങ് സെന്ട്രല് സ്റ്റേഡിയത്തിലോ പുത്തരിക്കണ്ടം മൈതാനത്തോ സംഘടിപ്പിക്കാനാണ് സാധ്യത. നഗരത്തിന്റെ അടിസ്ഥാന സൗകര്യ വികസനം, ഗതാഗതം, സ്മാര്ട്ട് സിറ്റി പദ്ധതികള്, സാമൂഹികക്ഷേമം എന്നിവ ഉള്പ്പെടുന്ന വികസന ദിശാരേഖയാകും പ്രഖ്യാപനത്തിലൂടെ അവതരിപ്പിക്കുക.
0 Comments