തിരു.: നിയമസഭാ തെരഞ്ഞെടുപ്പിന് മുന്നോടിയായുള്ള പുതുക്കിയ അന്തിമ വോട്ടര്പട്ടിക ഈ മാസം 21ന് പ്രസിദ്ധീകരിക്കും. വോട്ടര്പട്ടിക പുതുക്കലിന്റെ ഭാഗമായി സംസ്ഥാനത്തെ 62 നിയമസഭാ മണ്ഡലങ്ങളില് നോട്ടീസ് നല്കിയ മുഴുവന് പേരുടെയും ഹിയറിങ് നടപടികള് പൂര്ത്തിയായി വരുന്നതായി മുഖ്യ തെരഞ്ഞെടുപ്പ് ഓഫീസര് രത്തന് യു. കേല്ക്കര് അറിയിച്ചു. 21ന് പട്ടിക പുറത്തുവരുന്നതോടെ വരാനിരിക്കുന്ന നിയമസഭാ തെരഞ്ഞെടുപ്പിന്റെ വോട്ടര്മാരുടെ കൃത്യമായ കണക്ക് ലഭ്യമാകും.
അര്ഹതയുള്ള ഒരാള് പോലും പട്ടികയില് നിന്ന് പുറത്താകില്ലെന്ന് ഉറപ്പു വരുത്താന് കര്ശന നിര്ദ്ദേശം നല്കിയിട്ടുണ്ട്. ഹിയറിങ് നടപടികള് വേഗത്തില് പൂര്ത്തിയാക്കിയതില് തിരുവനന്തപുരം, എറണാകുളം ജില്ലകളാണ് മുന്നില്. ഇരുജില്ലകളിലും 14 മണ്ഡലങ്ങളില് വീതം ഹിയറിങ് പൂര്ത്തിയായി. പാലക്കാട് 10 മണ്ഡലങ്ങളിലും ആലപ്പുഴയില് 9 മണ്ഡലങ്ങളിലും നടപടികള് പൂര്ത്തിയായതായും മുഖ്യ തെരഞ്ഞെടുപ്പ് ഓഫീസര് അറിയിച്ചു. ഡിസംബര് 23ന് ആരംഭിച്ച ഹിയറിങ് ഈ മാസം 14നാണ് പൂര്ത്തിയാകുക.
0 Comments